Shefi i Byrosë Politike të Hamasit, Ismail Haniyeh deklaroi se populli palestinez dëshiron krijimin e një shteti palestinez plotësisht të pavarur me kryeqytet Al-Quds (Jerusalemin), në përputhje me vendimet ndërkombëtare.
Haniyeh foli me telefon me kryeministrin malajzian Anwar Ibrahim për zhvillimet në Rripin e Gazës nën bombardimet izraelite, sipas një deklarate të Hamasit.
Lidhur me kërkesat e popullit palestinez, Haniyeh tha: “Populli ynë dëshiron të drejtën e lirisë dhe dinjitetit dhe krijimin e një shteti palestinez plotësisht sovran me kryeqytet Jerusalemin, në përputhje me vendimet ndërkombëtare”.
Kryeministri Ibrahim shprehu gjithashtu solidaritetin e Malajzisë me popullin palestinez.
Ibrahim tha se kanë bërë kontakte të shumta dhe kanë ndërmarrë hapa me palët në rajon dhe jashtë rajonit për të kontribuuar në ndalimin e sulmeve ndaj popullit palestinez dhe për të dërguar ndihma humanitare në Rripin e Gazës. /tesheshi.com/
