Mesazhi acid i Blinkenit në Izrael: Vij si një çifut!

Anthony Blinken dërgoi disa mesazhe me vizitën e tij në Izrael vetëm pesë ditë një sulmi të pazakontë të Hamasit që tronditi shtetin hebre. Sekretari amerikan i shtetit foli për të drejtën e Izraelit për të siguruar me të gjitha mjetet që kjo të mos ndodhë më – me sa duket duke shkatërruar Hamasin – por bëri thirrje që të merren çdo masë paraprake për të shmangur goditjen e civilëve.

“Asnjë vend nuk mund dhe nuk do të toleronte masakrën e qytetarëve të vet ose thjesht të lejonte kushtet që lejuan të ndodhte ajo që ndodhi,” tha Blinken në takimin e tij me Netanyahun në Tel Aviv të enjten – duke shtuar se Izraeli ka jo vetëm të drejtën, por detyrimin për të mbrojtur veten dhe për të siguruar që këto mizori të mos ndodhin kurrë. “Por se si Izraeli e bën këtë është ajo që ka rëndësi,” tha ai.

Ai foli për një demokraci që dallon nga terrori në standarte, edhe pse mbi SHBA rëndojnë me qindar viktima civile, sidomos në Irak e Afganistan. Ndërkohë, ai nuk kontestoi vendimin ekstrem të Izraelit për të ndëprerë çdo lloj furnizimi për Gaza-n.

Po ashtu, Sekretari amerikan i Shtetit dha garanci për mbështetjen e pandarë të vendit të tij për Izraelin dhe ndërsa i shtrëngoi dorën Netanyahut, e siguroi atë në fillim të takimit mes tyre me fjalët: “Ne jemi këtu dhe nuk do të shkojmë askund”.

Pas uljes në Ben Gurion, Blinken shkroi në Tëitter: “Unë jam në Izrael sot për të bërë të qartë një gjë: Shtetet e Bashkuara qëndrojnë me Izraelin dhe popullin e tij, dhe ne do të qëndrojmë gjithmonë – me vendosmëri – kundër terrorizmit”.

Në fjalën e tij, Blinken kujtoi se ai e pa sulmin e Hamasit kundër Izraelit jugor jo vetëm nga këndvështrimi i Sekretarit të Shtetit amerikan, por edhe si një hebre, familja e të cilit i mbijetoi Holokaustit, si dhe masakrave.

“Unë vij para jush… edhe si çifut. Gjyshi im u shpëtoi masakrës në Rusi, njerku im u mbijetoi kampeve të përqendrimit, Aushvicit, Dachau, Maidanik, kështu që, zoti kryeministër, unë e kuptoj në një nivel personal pasojat e dhimbshme të masakrës nga Hamasi për hebrenjtë izraelitë dhe në të vërtetë për hebrenjtë kudo.

Unë vij para jush edhe si bashkëshort dhe baba i fëmijëve të vegjël. Është e pamundur për mua të shikoj fotografitë e familjeve që janë vrarë … dhe të mos mendoj për fëmijët e mi,” tha ai.

Antony Blinken speaks in Israel: "I come before you not only as the United States secretary of state, but also as a Jew." https://t.co/LWO0nByBVB pic.twitter.com/p40t4defEs

— CNN International (@cnni) October 12, 2023

Si në çdo qëndrim perëndimor këto ditë, dhe ne mesazhet e Blinkenit nuk pati asnjë ekuilibër: injorim total i genocidit dhe masakrave izraelite mbi popullsinë palestineze, shoqëruar gjithnjë me rrëmbim tokash e përzënie, ku agresori në këtë rast, Izraeli, trajtohet thjesht, por dhe trashë, si viktimë. /tesheshi.com/