A ka një kokë drejtuese operacioni i Hamasit?
Disa media në Perëndim mendojnë se e kanë gjetur se kush është ai, pra njeriu që “tërheq fijet” në sfond të asaj çfarë ndodh në terren.
Ky person thuhet u shfaq në hije në një video të publikuar mesditën e së shtunës kur shpërtheu operacioni.
Zëri në video i përket (ose pretendohet se i përket) Mohammed Deif, komandantit të krahut ushtarak të grupit militant palestinez. “Kemi vendosur t’i japim fund gjithë kësaj që armiku ta kuptojë se nuk mund të vazhdojë pa dhënë llogari”, tha ai.
Në një artikull të Financial Times tregohet përparimi i Daifit drejt niveleve më të larta të Hamasit, madje duke lënë në hije kundërshtarët e tij në Fatah, fraksioni më i moderuar.
Por pak dihet për të, ndoshta rezultat i një jete ilegale. Ata që e njihnin në vitet 1980 thonë se edhe atëherë ai quhej Deif, ndërsa të tjerë thanë se e njihnin me emrin e tij të vërtetë, Mohammed Diab Ibrahim Al-Masri.
Deri më sot ka vetëm një fotografi të tij.
Thuhet se është një ish-fëmijë i kampit të refugjatëve Han Younis, ku ai lindi në vitet 1960.
Tani i rritur, në vitet 1980, ai iu bashkua Hamasit dhe – si shumë të tjerë – kaloi nëpër burgje. Ata që e kanë njohur flasin për një njeri të qetë, i cili nuk është i interesuar për rivalitetet e brendshme të fraksioneve palestineze, por po zhvillon taktikat e tij. Një shok i burgosur e kujton atë si të fokusuar tek ushtarakët, një patriot që bënte skica për argëtimin e shokëve të tij.
Por në të njëjtën kohë, Deif nuk është i bindur se konflikti izraelito-arab do të zgjidhet me dhunë. Ashtu si të tjerët në Hamas, Deif e sheh Marrëveshjen e Oslos, e cila në fund të viteve 1990 premtoi një zgjidhje paqeje, si një tradhti të rezistencës palestineze.
Pseudonimi i tij ushtarak Daif është “Vizitori”, duke iu referuar praktikave të palestinezëve ilegalë për të kaluar çdo natë në një shtëpi të ndryshme për të shmangur inteligjencën izraelite.
Por detaji më interesant është fakti se ai ka 20 vjet në karrige me rrota, pas një sulm ajror izraelit i morri një krah dhe një këmbë. Por, pavarësisht nga paaftësia e tij, ai arrin t’u shmanget izraelitëve dhe të planifikojë operacione.
Thuhet gjithashtu se Deif dikur ndërtonte bomba ndërsa ishte arkitekt i një programi dhjetëvjeçar për të gërmuar një rrjet tunelesh nën Gaza. Thuhet se ai ka studiuar me Yahia Agias, një bombardues me nofkën “Inxhinieri” i cili u vra nga Izraeli në vitin 1996 me një telefon celular të mbushur me eksploziv.
Figura e Daifit ka frymëzuar besim dhe respekt brenda Hamasit dhe ndoshta më shumë tek të rinjtë. Operacioni i fundit ndoshta do të katapultojë reputacionin e tij, shkruan FT.
Ai beson se tani “nuk do të ketë armëpushim” me Izraelin, “vetëm hakmarrje”. /tesheshi.com/
