Prokuroria e Posaçme kërkoi dënimin me 6 vite e 8 muaj burg për Lefter Kokën, për çështjen e inceneratorit të Fierit.
Ndërsa për Alqi Bllakon SPAK kërkoi 4 vite e 8 muaj burg. Më tej, për Klodian Zoton 8 vite burg, për Arben Dervishajn 2 vite e 8 muaj burg dhe për Arjola Kodrën 2 vite burg.
Për të gjithë të akuzuarit është aplikuar masa e gjykimit të shkurtuar.
Për këtë çështje vihet re se SPAK ka ashpërsuar akuzën për Bllakon dhe Dervishajn. Për ish-sekretarin e përgjithshëm të Ministrisë së Mjedisit SPAK kërkoi dënimin për shpërdorim detyre dhe korrupsion të zyrtarëve të lartë shtetërorë, nga korrupsion të funksionarëve publikë që e kishte më herët. Ndërsa për Dervishaj, akuza u ashpërsua, nga korrupsion në sektorin privat, në korrupsion të funksionarit publik.
Akuza iu ashpërsua edhe Klodian Zotos. U kërkua dënimi i tij për korrupsion, mashtrim me pasoja të rënda dhe krijim të skemave mashtruese.
Ish-ministri i mjedisit, Lefter Koka, rrezikon të dënohet me 10 vite burg në lidhje edhe me akuzat për inceneratorin e Elbasanit. Për këtë çështje, Prokuroria e Posaçme ka kërkuar deklarimin fajtor të Kokës për akuzat e korrupsionit, shpërdorimit të detyrës dhe pastrimit të parave. /tesheshi.com/
