Ish-këshilltari i kryeministrit Albin Kurti dhe komentuesi i çështjeve politike, Shkëlzen Gashi, ka reaguar pas vendosjes së sanksioneve të para nga SHBA ndaj Kosovës me anullimin aty të stërvitjes së NATO-s “Defender Europe 2023”, nën pretendimin se Prishtina zyrtare injoroi thirrjet amerikane për veriun.
Përmes një postimi në, Gashi shkruan se Amerika po thotë se veriu i Kosovës është i huliganëve të Serbisë.
Sipas tij, për ta vënë Serbinë nën kontrollin e SHBA-së, duhet t’i japim diçka.
“Pra, Amerika po thotë se veriu i Kosovës është i huliganëve të Aleksandër Vuçiçit, sepse për ta futur Serbinë nën kontrollin e tyre, ne duhet t’u japim diçka – veriun e Kosovës. Duhet t’i themi Amerikës se i jemi mirënjohës për ndihmën, por veriun e Kosovës nuk do t’ia japim Serbisë së Vuçiçit”, ka shkruar Gashi.
Më herët, kryeministri Kurti i kujtoi SHBA-së se ka njohur zgjedhjet e bojkotuara nga serbët në veri, ndaj dhe shkuarja e kryetarëve të rinj në zyra është e pashmangshme. /tesheshi.com/
