Qeveria talebane është në fazën përfundimtare të negociatave në Moskë mbi kushtet e një kontrate që Afganistani të blejë benzinë nga Rusia, thanë zyrtarët afganë.
Habiburahman Habib, zëdhënës i Ministrisë së Ekonomisë afgane, ka konfirmuar se delegacioni zyrtar i kryesuar nga kjo ministri në kryeqytetin rus ka finalizuar kontratat për dërgimin e grurit, gazit dhe benzinës, apo naftës.
“Ata janë në negociata me palën ruse”, tha ai në një mesazh për Reuters, duke shtuar se detajet do t’i shpallë pas përfundimit të negociatave.
Një burim në zyrën e Ministrit të Tregtisë dhe Industrisë i tha agjencisë britanike se zyrtarë nga Ministria e tij e Tregtisë dhe Industrisë dhe Ministria e Financave mbetën në Moskë për të punuar në kontratat pas një vizite nga një delegacion ministror në fillim të këtij muaji.
Moska nuk e njeh administratën talebane
Vizita vjen ndërsa Shtetet e Bashkuara përpiqen të bindin vendet e tjera që të reduktojnë përdorimin e naftës ruse.
Si Rusia, ashtu edhe Afganistani i udhëhequr nga talibanët vuajnë sanksione ekonomike nga qeveritë ndërkombëtare.
Asnjë qeveri e huaj, përfshirë Moskën, nuk e njeh zyrtarisht administratën talebane.
Bankat afgane u penguan nga sanksionet, gjë që bëri që shumica e bankave ndërkombëtare të mos dëshironin të bënin transaksione me institucionet financiare afgane.
Kujtojmë që në vitet ’80, Bashkimi i atëhershëm Sovjetik pushtoi Afganistanin, në një luftë të përgjakshme e cila morri fund me humbjet e thella sovjetike përballë afganëve, këta të fundit të mbështetur nga amerikanët. /tesheshi.com/
