Kryebashkiaku i Kievit, Vitaliy Klitschko po divorcohet nga gruaja e tij, muzikantja Natalia Klitschko, pas 25 vitesh martesë.
Edhe pse ka kohë që përflitet për këtë, Klitschko e ka konfirmuar lajmin në një intervistë për Babelin ukrainas. Vendimi ishte i ndërsjelltë dhe çifti prej vitesh jeton në dy adresa, pra në dy shtete.
“Kemi vendosur ta konfirmojmë zyrtarisht. Ishte një dëshirë e përbashkët. Ne ende kemi një marrëdhënie të mirë, ne e respektojmë njëri-tjetrin, fëmijët tashmë janë rritur dhe jeta vazhdon. Ne kemi pasur interesa dhe jetë të ndryshme për shumë vite”, tha Vitaliy dhe përfundoi:
“Zemrën time e pushton vetëm Kievi, si të mos e dua Kievin tim?”.
Vitaliy dhe Natalia u martuan që nga viti 1996, duke patur për fëmijë 21-vjeçarin Yegor-Daniel, vajzën 19-
vjeçare Elizabeth-Victoria dhe djalin 16-vjeçar Max. E ndërsa ish-boksieri ndodhet në Kiev, ajo jeton në Gjermani.
Ish-çifti shiheshin disa herë në vit. Djali më i vogël, Max, ndjek shkollën në Britaninë e Madhe, ndërsa vajza Elizabeth studion për psikologji në Holandë.
Më i madhi, Yegor, përfundoi studimet universitare për menaxhim biznesi dhe u regjistrua në studime pasuniversitare.
Ish-boksieri thotë se u ka shpjeguar fëmijëve se duhet të kufizojnë përdorimin e mediave sociale, të kenë kujdes se çfarë ndajnë dhe të përdorin pseudonime për shkak të punës që bën. /tesheshi.com/
