Një ri 18-vjeçar është më i fundit Dëshmor i Atdheut në Shqipëri. Fjala është për Anri Kashiku, i cili një ditë më parë humbi jetën pasi u mbyt në plazhet e Durrësit teksa po shpëtonte vëllanë e tij të vogël dhe një shok të këtij të fundit, në rrezik mbytjeje.
Mediat e shpallën atë “hero” dhe në këtë vazhdë, kryeministri Rama e ministrja e Turizmit Mirela Kumbaro, ishin sot për ngushëllime nhë shtëpinë e të ndjerit.
Aty, babait të 18-vjeçarit iu dorëzua çertifikata nga vetë kryeministri Edi Rama.
“Anri Kashiku është djali hero që dha jetën e tij për të shpëtuar dy jetë të tjera nga deti me dallgë, atë të vëllait të tij të vogël dhe të shokut të tij”, shkroi më herët i pari i qeverisë. /tesheshi.com/
