Nga dëshmitë e famëkeqit Nuredin Dumani, raportohet të ketë dalë emri i parë i një politikani të implikuar në krim. Sipas gazetarit të njohur të kronikës së zezë, Artan Hoxha, fjala është për Ilir Metën. Flitet se njeriu që është ende kreu i shtetit, të ketë urdhëuar një vrasje, atë të Aleksandër Ndokës në Lezhë, vëllait të ish-deputetit socialist Arben Ndoka.
“Kemi një grup personash të penduar që kanë dëshmuar, por dëshmitë e tyre kanë qenë të një niveli që dhe vet brenda prokurorëve të SPAK kanë krijuar probleme. Nuredin Dumani ka shkuar deri aty që një nga tre personat më të fuqishëm sot, politika, ka porositur vrasjen për të vrarë vëllain e një deputeti,… vrasja është bërë.
Pra, një nga tre politikanët më të fuqishëm që janë sot ka porositur vrasjen. Unë kam rezerva për këto. Bëhet fjalë pë një ngjarje në vitin 2017, gjatë fushatës elektorale dhe mbas fushatës ka ndodhur vrasja e një përfaqësuesi politik. Ka qenë dhe përfaqësues edhe në këshill, është vrasje pa autor. Sipas Dumanit kjo vrasje është porositur nga një politikan i rëndësishëm dhe është vrarë vëllai i një deputeti i PS. Këto gjera duhen verifikuar.
Dumani thotë se Ilir Meta ka porositur vrasjen e vëllait të një deputeti të PS. Nuredini thotë se personat që kanë lidhje me këtë ngjarje kam njohje. Ai thotë se ka folur me një person e ai më ka thënë kështu. Unë nuk e besoj, por po të ketë ndodhur kjo është e rëndë. Fakt është se Aleksandër Ndoka është vrarë dhe ne nuk e dimë se kush e ka vrarë. Ai u vra në derën e shtëpisë. Ai ka folur dhe për politikanë të tjerë. Prokuroria duhet ta verifikojë”, tha së fundi gazetari Hoxha.
Kujtojmë se pak vite më parë, kur LSI ishte në bashkëqeverisje me PS-në e Meta mbante postin e kryeparlamentarit, deputeti Tom Doshi do pretendonte se kreu i LSI-së kishte porositur vrasjen e tij. Megjithatë, ky pretendim s’u vërtetuar kurrë. /tesheshi.com/
