Gazeta ruse Komsomolskaya Pravda, e cila është afër Kremlinit, publikoi një reportazh në portalin e saj për luftëtarët e Ramzan Kadyrov-it në Ukrainë. Apti Alaudinov, komandanti i forcave speciale çeçene “Ahmat”, iu tha në një bisedë gazetarëve të kësaj gazete se luftëtarët e tij, domethënë luftëtarët e Ramzanit, janë ushtria e Kadyrovit e Jezusit.
“Gjatë gjithë jetës sime jam përgatitur për ardhjen e Profetit Jezus, ndaj dua të jem në ushtrinë e tij. Po, do t’i paraprijnë ngjarje të caktuara. Para shfaqjes së Isait(Jezusit) do të shfaqet Imam Mehdiu, prijësi i të gjithë muslimanëve. Ai do të jetë në xhami kur të hyjë Jezusi. Ata takohen dhe luten së bashku.
Ajo ditë do të shënojë bashkimin e ushtrisë së muslimanëve dhe të krishterëve në luftën kundër djallit, kundër antikrishtit. Prandaj, nuk ka asgjë të çuditshme në thënien time se ‘ne jemi ushtria e Jezusit’.
Jemi në luftë me satanistët. Dhe fitorja që arrijmë sot është një fitore mbi forcat e errëta. Për ta kuptuar këtë, ne duhet të kthehemi te Perëndia. Dhe kjo ushtri vetëm do të rritet”, tha komandanti i forcave speciale çeçene, “Ahmat”.
Por çështja është se dhe ukrainasit të krishterë janë, ku krah tyre luftojnë gjithashtu forca çeçene, edhe me arsyetime të qarta fetare, pasi për ta, ushtria ruse është pushtuese, dikur dhe e vendit të tyre, duke u sjellë shumë vuajtje.
Nga ana tjetër duhet kujtuar së kauza morale që mbron apo te e cila mbështetet komandanti çeçen i Kadyrov-it, është tërësisht e sajuar nga Kremlini. Rusia e Putinit, por as Rusia e ndonjë kohe tjetër, nuk i ka servirur apo imponuar botës ndonjë kauzë të lartë morale qoftë dhe me sfond apo thelb fetar, siç do qe ajo konservatore kundër liberalëve, pra traditës kundër shthurrjes. Rusia s’e ka agresuar Ukrainën për këtë arsye. /tesheshi.com/
