Emmanuel Macron është presidenti i ri i vjetër i Francës.
Sipas rezultateve, kreu aktual i shtetit francez fitoi 57.60 vota në raundin e dytë të zgjedhjeve presidenciale të dielën, ndërsa Marine Le Pen mori 42.40 vota.
Kështu, Macron do të jetë presidenti i parë francez që fiton një mandat të dytë që nga Zhak Shirak në 2002.
Macron arriti kështu një mandat të ri dhe të drejtën për të kryer funksionin e presidentit të këtij vendi edhe për pesë vite të tjera.
“Faleminderit! Pas pesë viteve të ndërrimit të kohëve të lumtura dhe të vështira, si dhe të
një krize të jashtëzakonshme, sot shumica prej nesh kanë zgjedhur të më besojnë dhe të më japin një mandat të ri për të kryesuar republikën tonë për pesë vitet e ardhshme”, tha Macron.
Njeriu i parë i Francës tha se ai ishte “presidenti i të gjithëve”.
“Unë nuk jam më kandidat i një kampi, por president i të gjithëve. E di që shumë francezë votuan për mua për të bllokuar të djathtën ekstreme. Dua t’i falënderoj dhe të them se vota e tyre më detyron. Unë e di se çfarë kam borxh. Unë dua të jap projekte konkrete për të gjithë dhe dua ta bëj Francën një komb të madh ekologjik”, tha Macron.
Kujtojmë se një ndër çështjet më delikate përballë Le Pen, ishin ato të karakterit të qasjes ndaj aspekteve të jetës fare, posaçërisht muslimane. Macron nuk është njohur për dashamirësi ndaj Islamit. Madje në mandatin e parë shpalli një projekt të diskutueshëm të ashtuquajtur kundër “separatizmit islamik”, një term i panjohur kurrë më parë, i cili është kontestuar fort nga faktori musliman në Francë.
Por gjithsesi, nuk është në nivelin islamofon të Le Pen-it, e cila përbetohej se do ndalonte dhe hixhabin në ambiente publike. Kështu, në konceptim islam, ka fituar “e keqja më e vogël”. /tesheshi.com/
