Ish-kryeministri italian Silvio Berlusconi ka thënë se është thellësisht i zhgënjyer dhe i trishtuar nga sjellja e Vladimir Putinit, me të cilin ishte i afërt, por që ka marrë “një përgjegjësi shumë serioze ndaj gjithë botës” me sulmin e tij ndaj Ukrainës.
“Nuk mund dhe nuk dua ta fsheh faktin se jam thellësisht i zhgënjyer me sjelljen e Vladimir Putinit, i cili ka marrë një përgjegjësi shumë serioze për të gjithë botën”, tha kreu i Forza Italia, ish-kryeministër dhe manjat sportiv e mediash.
“Unë e nohja atë gati njëzet vjet më parë dhe gjithmonë më dukej një demokrat dhe një njeri i paqes,” tha miliarderi 85-vjeçar, i cili shërbeu tre herë si kryeministër midis 1994 dhe 2011.
Berlusconi ishte përmbajtur deri më tani nga kritika publike ndaj Putinit.
Kur ishte në pushtet, Berlusconi mbajtur miqësi të fortë personale me presidentin rus, duke arritur deri aty sa ta ftonte për pushime në rezidencën e tij luksoze në Sardenjë.
“Përballë tmerrit të masakrës së civilëve në Bucha dhe zonave të tjera, krimeve të vërteta të luftës, Rusia nuk mund të mohojë përgjegjësitë e saj”, tha Berlusconi. /tesheshi.com/
