Presidenti serb Aleksandër Vuçic ka bërë të ditur se do të kërkohet nga Rusia të japë informacione për personat nga Kosova dhe Bosnja që po rekrutohen për luftimet në Ukrainë, pasi këtë e theksoi shefi i diplomacisë ruse, Sergej Lavrov, sipas të cilit ka dhe nga Shqipëria rekrutë anti-rusë.
“Disa liderë të mëdhenj dinë shumicën e gjërave, por Lavrov di gjithçka”, tha Vuçiç, duke shtuar se ai nuk kishte informacion nëse ata po vinin në Ukrainë për të luftuar, por shtoi se shërbimet po punojnë për këtë.
Ai bëri të ditur se Sekretari i Këshillit të Sigurimit të Rusisë, Nikolai Patrushev, do të arrijë në Beograd në ditët në vijim dhe se një informacion i tillë do të kërkohet.
“Lavrov flet qartë në pjesën politike dhe nuk gabon si të tjerët për çështje faktike. Nuk është e lehtë të flasësh me të”, tha Vuçiç për televizionin Tanjug.
Sa i përket Ukrainës, Serbia, thotë ai, do të respektojë të drejtën ndërkombëtare dhe integritetin territorial të Ukrainës, që është një qëndrim parimor i bazuar në respektimin e ligjit ndërkombëtar dhe askush nuk i ka kërkuar që ta ndryshojë atë.
Vuçiç mendon se ata janë pak të lënduar në Perëndim që presidenti rus Vladimir Putin po përdor të gjithë dobësinë e agresionit perëndimor kundër Jugosllavisë për çështjen e Ukrainës (bombardimi i Serbisë për spastrimin etnik në Kosovë) dhe po përsërit argumente të ngjashme që ata përdorën në atë kohë.
Ai theksoi se të gjithë në Perëndim do të dëshironin ta harrojnë rastin e Serbisë, konkretisht agresionin e NATO-s.
“Thuaj një herë, ne bëmë gabimin më të madh, kërkojmë falje për atë që bëmë. Gjithsesi duhet të flasim, sepse jemi në rrugën evropiane”, tha Vuçiç. /tesheshi.com/
