Epidemia e kolerës në Jemenin e shkatërruar nga lufta mendohet se ka infektuar 300 mijë njerëz në dhjetët javët e fundit, thuhet në një deklaratë të Kryqit të Kuq Ndërkombëtar. Situata ka vijuar të përshkallëzohet “jashtë kontrollit”, me gati 7 mijë raste të reja për çdo ditë, paralajmëron ICRC.
Më shumë se 1700 raste vdekjesh janë raportuar të lidhura me kolerën, sipas OKB-së.
Sistemet e shëndetësisë, furnizimit me ujë dhe shërbimet sanitare janë në degradim pas dy vjetësh konflikti midis trupave pro-qeveritare dhe lëvizjes rebele, Houthi.
Kolera është një infeksion akut që shoqërohet me diarre, shkaktuar nga konsumimi i ushqimit apo ujit të infektuar me bakterien Vibrio të kolerës. Pjesa më e madhe e të infektuarve kanë simptoma të lehta ose nuk shfaqin asnjë simptomë, mirëpo në rastet e vështirë, kolera vret brenda disa orësh nëse nuk mjekohet.
Më 24 qershor, Organizata Botërore e Shëndetësisë deklaroi se Jemeni po përballej me epideminë më të vështirë të kolerës në botë, me më shumë se 200 mijë raste të dyshuara. Vetëm brenda dy javësh, edhe 100 mijë persona të tjerë janë infektuar, një rritje që ICRC e cilëson tronditëse. /tesheshi.com/
