Është finalizuar në Prishtinë “aksioni humanitar” për mbledhjen dhe më pas dhurimin e një mase kravatash të cilat shkojnë për kryeministrin Haradinaj dhe pjesëtare të kabinetit të qeveritar.
Ishte kjo një inisiativë e aktorit Kushtrim Mehmeti, i cili nëpërmjet rrjeteve sociale ftoi qytetarë të ndryshëm që të kontribuojnë me kravata, për t’ja dhuruar Haradinajt & Co, meqë kryeministri, për të përligjur rritjen e rrogës për vete dhe ekipin e tij, ka përmendur nevojën për kravata dhe këmisha.
“Me këtë aksion, i bëjmë thirrje kryeministrit që ta ulë pagën e vet, nuk ka nevojë për kravata e këmisha me rrit pagën për shkak se në ia sigurojmë, ne deri me tani i kemi mbledhur afër 300 kravata dhe për 300 ditë i ka të siguruara”, tha aktori Mehmeti, iniciues i kësaj proteste të veçantë në lloj. /tesheshi.com/
