Lila May Schow është një fëmijë i vogël 5-vjeçar, por ajo është pak ndryshe nga moshataret e saj. Prej tre vitesh e vogla është në një betejë me kancerin. Fatkeqësisht, nuk ka pasur shumë fat. Para disa ditësh ajo kishte ditëlindjen. Me shumë gjasa ka për të qenë ditëlindja e saj e fundit, ndaj prindërit i realizuan një festë shumë të veçantë, në kuadër të mundësive të tyre.
Mjekët kanë thënë se vajza nuk është mjaftueshëm e fortë për të përballuar kemioterapinë. Ajo mund të jetojë maksimumi deri në një 9 muaj, por jo më shumë.
Për të bërë ditëlindjen e fundit të Lilas të paharrueshme, prindërit krijuan një grup të veçantë në Facebook me miqtë e tyre për të organizuar gjithçka si dhe për të ndarë me njëri-tjetrin historitë personale.
Ryan dhe Heidi, prindërit e Lilas, u ndihmuan nga një biznesmen lokal, vullnetarë dhe qindra njerëz të zakonshëm, të cilët u prekën nga historia e të voglës. /tesheshi.com/
