Personeli mjekësor në Mayo General Hospital në qytetin Castelbar të Irlandës, me shumë mundësi ende nuk e beson këtë që ka ndodhur. Tre motra, Mairéad, Joeline e Bernie kanë sjellë në jetë fëmijët e tyre të treja në të njëjtën ditë.
Gjatë kësaj lindjeje të pabesueshme kanë ardhur në jetë Thomas (nga Mairéad), Phelim (nga Bernie) dhe e vogla Sorcha (vajza e Joeline). Të habitur kanë ngelur edhe prindërit e fëmijëve të vegjël si dhe gjyshërit, të cilët nuk e prisnin këtë ngjarje. As që mendohej ndonjëherë se fëmijët do të vinin në jetë në të njëjtën ditë, të tre.
Megjithatë, nuk ka përfunduar ende pasi nënat e reja kanë edhe një motër tjetër, Christinën, e cila është shtatzënë dhe duhet të sjellë në jetë fëmijën e saj shumë shpejt. “Nuk ka ndodhur kurrë diçka e ngjashme. Nuk dimë çfarë të them”,- komentojnë mjekët që kanë pritur fëmijët në spitalin irlandez./tesheshi.com/
