Përmes videos do të shikoni se si mund të realizoni një fryrje të flokëve në afërsi të ballukeve. Për ta realizuar këtë është e rëndësishme që të ndani një pjesë të flokëve, të cilat i përshtaten dendësisë së dëshiruar të ballukeve të rreme, dhe mbështillni në drejtim të ballit.
Gjatësinë e ballukeve e përcaktoni në raport me skajet e flokëve, formoni balluket si edhe te frizurat e mëparshme dhe kapni me shnolla dhe, natyrisht, sipër asaj pjese tërhiqni shiritin e flokëve.
Pjesën e mbetur të bishtit shprisheni në mënyrë të çrregullt, shtrëngojeni dhe bëjeni gërshetin, të cilin, gjithashtu e fiksoni me shnolla. Kjo është frizurë për çdo rast. /tesheshi.com/
