Liverpool mposhti Watford dje (0: 5) në javën e 8-ë të Premier League angleze, ku përsëri egjiptiani Mohamed Salah ishte fenomenal.
Jurgen Klopp, trajneri i Reds, ishte shumë i lumtur pas lojës, dhe edhe një herë vlerësoi Salah, duke e cilësuar atë si aktualisht futbollistin më të mirë në botë.
“Ai luajti mahnitshëm. Asistimi për golin e parë ishte i mrekullueshëm dhe goli i dytë ishte i veçantë. Ai është më i miri. Kush është më i mirë se ai? Nuk ka nevojë të flitet për atë që Ronaldo dhe Messi kanë bërë në botën e futbollit, por për momentin Salah është më i miri,” tha Klopp, raporton portali SC Sport.
Salah aktualisht ndan vendin e parë në listën e shënuesve më të mirë në Premier League me Jamie Vardy të Leicester. /tesheshi.com/
