Organizata e Bashkëpunimit Islamik (OIC) ka dënuar vendimin e gjykatës izraelite se lutjet “e heshtura” të hebrenjve në kompleksin e xhamisë Al-Aksa në Jeruzalemin Lindor të pushtuar nuk janë krim.
Sekretari i Përgjithshëm i IOC, Yousef Al-Othaimeen tha në një deklaratë se vendimi ishte një provokim për myslimanët në të gjithë botën.
“Vendime të tilla të paligjshme përbëjnë një sulm të paparë ndaj të drejtave të patjetërsueshme fetare të kombit islam dhe trashëgimisë së tij, duke provokuar ndjenjat e myslimanëve në të gjithë botën dhe duke shkelur lirinë e adhurimit dhe shenjtërinë e vendeve të shenjta,” tha kreu i IOC.
Për myslimanët, Al-Aksa është faltorja e tretë më e rëndësishme, ndwrsa hebrenjtë besojnë se dikur kishte dy tempuj hebrenj në atë vend. Kompleksi Al-Aksa, i cili mbulon 15 përqind të bërthamës së vjetër të Jeruzalemit, është nën pushtimin izraelit dhe është pika e takimit të tre feve më të mëdha në botë.
Izraeli pushtoi Jeruzalemin Lindor, ku ndodhet Al-Aksa, gjatë luftës arabo-izraelite në 1967, dhe aneksoi të gjithë qytetin në 1980, në një veprim që nuk u njoh kurrë nga bashkësia ndërkombëtare. /tesheshi.com/
