Kreu i PBDNJ-së, njeriu që mund të konsiderihet dhe zëri politik i minoritetit grek në Shqipëri, Vangjel Dule, ka sulmuar sërish kryeministrin Rama, duke e identifikuar atë si “armik” të të drejtave të minoritetit.
Qeveria e zotit Rama që sot mban kryesimin e OSBE-së ka dështuar t’u përgjigjet kërkesave të kohës. Që prej 2017-ës muaji tetor, parlamenti votoi një ligj për të drejtat e minoriteteve nuk i përgjigjej kërkesave të kohës, megjithatë deri sot nuk është marrë asnjë hap konkret. Pas regjistrimit të dështuar të 2011, ende ligji mbetet problematik dhe i paamenduar sipas kërkesave të Këshillit të Europës.
Sfidë është regjistrimi i ardhshëm i popullsisë. Prona e minoritetit grek në breg të Jonit dhe zona të tjera janë objekt abuzimesh të vendimeve qeveritare dhe Ramës. Probleme me vendosjen e tabelave dygjuhëshe janë edhe më tepër problematike.
Dhe ajo që është më tepër negative, përgjegjësit e akteve vandale janë të paidentifikuar. Ende nuk kemi një relacion zyrtar për vrasjen e Kostandin Kacifas, tetorin e 2018. Problemet e minoritetit grek është shumë larg së qeni një realitet europian”, deklaroi Dule. Ndodhi kjo në kremtimin e 29-vjetorit të OMONIA-s, organizatë e minoritetit.
Në kohën e themelimit, pak pas ndryshimit të sistemit politik në Shqipëri, kjo organizatë nisi të themelonte degë deri në veri të vendit.
Ishte si pasojë një shkrim i Abdi Baletës me titull “Çdo OMONIA në Lezhë?”, i cili frenoi shtrirjen e kësaj organizate edhe atje ku s’kishte patur kurrë këmbë minoritari.
Ndërsa armiqësia e Dules me Ramën, erdhi pas Reformës Territoriale ndërmarrë gjatë mandatit të parë, ku në Bashkinë e Himarës u përfshi dhe Vranishti lab, udhëhequr nga ideja se dhe Bregu është Labëri e jo ndonjë minoritet i pretenduar (në Himarë). /tesheshi.com/
