Boshnjaku Haris Lagumdzija, 29 vjeça, prej vitesh ruan varrin e ish-presidentit Alija Izetbegoviç. Ai nuk e ka njohur atë, njeriun që i priju vendit të gjatë shkërmoqjes së Jugosllavisë dhe po ashtu në vitet e një lufte të tmerrshme, po që e konsideron si “heroin e tij të fëmijërisë”.
Në një profil që i i ka bërë Anadolu Agency, shkruhet se Lagumdzija, në vitin 2010 gjeti mundësinë që të kryejë detyrën për ruajtjen e varrit të Izetbegoviçit, që ndodhet në varrezat e dëshmorëve “Kovaçi”, gjë të cilin ai e quan si një “nder”.
Lagumdzija ka thënë se është krenar që ruan varrin e Alija Izetbegoviçit dhe dëshmorëve të tjerë, duke theksuar se e kryen këtë detyrë me përkushtim dhe me ndershmëri.
Për 29-vjeçarin Lagumdzija, Izetbegoviç ishte një vizionar, bamirës dhe një personalitet me vlera.
“Sikur të kisha mundësinë do të doja me të vërtetë që ta shikoja”, është shprehur i riu duke shtuar se Izetbegoviçin nuk e ka parë asnjëherë kur ai ka qenë në jetë. /tesheshi.com/
