Kryeministri Rama e cilësoi ardhjen në Shqipëri të Universitetit Teknologjik të Stambollit si një “dallëndyshe” për një erë të re në arsimin shqiptar.
“Do fuqizojmë programinin për kurse të personalizuar, që fëmijët të mësojnë me hapin e tyre dhe t’u jepet akses që të zhvillojmë kurse nën monitorimin e drejtorisë së Arsimit. Universitete mike të jenë të integruara në sistemin tonë, është ëndërr, por një nga sfidat më të vështira. Universiteti teknik i Stambollit do të jetë dallëndyshja e parë e këtij projekti kombëtar, të kesh mundësi që të studiosh këtu në programet më prestigjioze europiane.
10 mln euro në vit për universitet për afrimin e studimit me vendet e BE dhe do mbështesim çdo sinergji të plotë mes një universiteti shqiptar dhe një të huaj publik në anglisht. Risia e mandatit të tretë do të jetë paketa e inovacionit e cila do të ofrojë kualifikime në novacion duke mbuluar kostot 100% nga qeveria, 50% direkt. Luhet i gjeneratës së të rinjve në 25 prill”, tha Rama në prezantimin e programit për arsimin në mandatin e tretë të synuar.
Shefi i qeverisë mbrojti reformën në arsimin e lartë, duke thënë se “sistemi i hyrjes në universitet është meritokratik dhe i pamanipulueshëm se çdo gjë lë menjëherë gjurmë, përveç ankesave dhe sharjeve të atyre të treve dhe shumë si këta që u hodhën përpjetë kur ne imponuam këtë sistem, asnjë ankesë nga të interesuarit”.
Rama tha se reformat ë tjera e presin arsimin në mandatin e tretë:
“Në planin tonë do rrisim pagat e mësuesve me 40%. Anglishtja do të mësohet që në klasë të parë. Hapim pogramin kombëtar të kodimit për fëmijët 12-18 vjeç. Fëmijëve do u jepen njohuri për ndërveprimet brenda saj. Qendra e parë është kjo e Tiranës qendrat e tjera do të ngrihen në Kukës, Shkodër Dibër. Çelim program kombëtar të arteve dhe zejeve, për të ushtruar mendjen dhe duart.
Ne do të çelim programin 10-vjeçar të kodimit për fëmijët deri në 12 vjeç në botën digjitale ku fëmijëve do u prezantohen themelet e saj. Do u jepen njohuri për ndërveprimet, detyrim që kemi ndaj fëmijëve për botën e iphonët dhe ipad.
Edukimi Fizik që ne e rikthyem dhe sportet jashtë mësimit do të zënë një vend të rëndësishëm që nga klasa e parë deri në universitet. Kemi trashëguar një tjetër boshllëk të madh, shkollat u kthyer në kulla ku emërohej si kryerojë militantët që ngulnin flamurin e një partie apo të një partie tjetër”, theksoi Rama, duke veçuar:
“Mandati i tretë do të sjellë fundin e mësimit me 2 turne për shkak të mungesës së klasave”. /tesheshi.com/
