Administrata e Presidentit të SHBA Joe Biden vendosi një pezullim të përkohshëm të shitjeve të armëve në Arabinë Saudite dhe Emiratet e Bashkuara Arabe gjatë një kontrolli të shitjeve të armëve miliarda dollarë të miratuar nga ish-Presidenti Donald Trump.
Auditimi përfshin shitjen në Riad të raketave me precizion, si dhe avionët luftarakë të nivelit më të lartë F-35 tek Abu Dhabi, të aprovuar më parë nga Uashingtoni, si pjesë e marrëveshjeve nën të cilat Emiratet vendosin marrëdhënie diplomatike me Izraelit
Zyrtarët theksojnë se nuk është e pazakontë që administrata e re të kontrollojë shitjet e armëve të miratuara nga presidenti i mëparshëm dhe se, pavarësisht pezullimit, një pjesë e mirë e transaksioneve do të kryhet.
Por në përputhje me premtimet e fushatës së Biden, Uashingtoni dëshiron të sigurojë që armët amerikane të mos përdoren më në fushatën ushtarake të udhëhequr nga sauditët në Jemen, ku konflikti me lëvizjen rebele Shiite Huthi të mbështetur nga Irani ka marrë mijëra jetë.
Një zyrtar tha se Kongresi dhe industria e dedikuar SHBA do të informohen për auditimin në ditët në vijim.
Shtohet se nuk dihet se sa kohë do të zgjasë ky proces.
Zyrtarët nuk mund të përcaktojnë vlerën e saktë të armëve që auditohen.
Por, shtojnë ata, dihet se marrëveshja “e rëndë” prej 23 miliardë dollarësh midis Uashingtonit dhe Emirateve për shitjen e avionëve F-35, dronëve Reaper dhe raketave të ndryshme, e cila u realizua ditën e fundit të Trump në Shtëpinë e Bardhë, është përfshirë gjithashtu. /tesheshi.com/
