Ju ndoshta jeni lidhur me internet të paktën një herë në një qendër tregtare apo hotel, qoftë për arsye biznesi apo private, pa menduar nëse po rrezikon informacionin tuaj privat.
Por kjo nuk është aspak e padëmshme.
Sot, interneti pa tel është i pranishëm kudo, në pothuajse të gjitha objektet hotelierike, madje edhe në kafenetë dhe restorantet ku shpesh qëndroni. Ndërsa lexoni gazetën në telefon dhe pini kafenë tuaj të parë në mëngjes në një bar – një haker mund t’ju ketë “shikuar”.
Hotelet mund të jenë “të rrezikshëm”, megjithëse hyrja në internet duket e sigurt. Shumë kompani që merren me këtë temë, të tilla si Kaspersky ose SensePost, kanë vënë në dukje për vite me rradhë se Wi-Fi publik paraqet një “rrezik të madh sigurie”.
Rrjeti i qytetit
Nëse planifikoni të lidheni me internetin në një qendër tregtare aty pranë, kushtojini vëmendje emrit të rrjetit. Gjeni emrin e saktë në tryezën e informacionit, e cila ndodhet në çdo strukturë të tillë – në mënyrë që të mos lidheni me smartphone-in e dikujt ose laptopin e hakerit.
Kur kryeni disa transaksione, rekomandohet që ta bëni në shtëpi ose përmes internetit celular, dhe e njëjta gjë vlen për futjen e kodeve të rëndësishme ose hyrjen në profile të rëndësishme në internet.
Përveç gjithë kësaj, duhet t’i kushtoni vëmendje Wi-Fi të qytetit, i cili ndodhet në vende të caktuara (park, shesh) ose, të themi, transport. Interneti sigurisht që nuk është i shpejtë aty dhe zakonisht shkakton probleme, kështu që ju nuk humbni asgjë.
Nëse rrjeti i qytetit falas është i ngadaltë, kjo do të thotë që shumë përdorues janë të lidhur me të ose që router-i është marr nga një haker, i cili në çdo rast është një skenar më i keq. /tesheshi.com/
