Presidenti Meta ofroi një tjetër “perlë” nga moria e deklarimeve të tij kontraverse, shpërthyer ç’prej më shumë se një viti, qyshse dështoi skema e rënies së qeverisë nëpërjet djegies së mandateve dhe protestave, deri të dhunshme, përfshirë më pas dhe bojkotin e zgjedhjeve lokale.
Së fundi, kreu i shtetit, nën një anësi të qartë politike, ka prozuar prerjen e dorës, e kjo sipas tij, kush prek Kushtetutën, por dhe votën.
Pasi ktheu pas ndryshimet e Kodit Zgjedhor, Meta shkroi:
“Zgjedhjet do të zgjidhin sundimin e ligjit. Pas 25 prillit, Shqipëria do të hyjë në një epokë të re, në çdo rast. Të dy do të jenë krimet më të mëdha dhe më të ndëshkueshme. Prekja e Kushtetutës dhe vjedhja e votës. As presja e Kushtetutës nuk do të preket më.
Kush prek një votë t’i pritet dora, si në Mesjetë. Meqë dënimin me vdekje e kemi të ndaluar”, u shprej njeriu që mban postin e lartë të kreut të shtetit.
Nga ana tjetër, ai pranoi të fliste mbi nënshtetësitë e dhëna, që nga një investigim gazetaresk kanë qenë në shkelje të ligjit, duke u arsyetuar:
“Ka pasur dy procedura, që sipas tyre është normale që kolegu juaj gazetar Batoni e ka marrë me procedurë të posaçme nga një president i mëparshëm, por është anormale që Kim Mehmeti ta marrë me procedurë të posaçme, se Kim mbron kufijtë e Shqipërisë dhe të Kosovës.
Në rast se Meta nuk do përdorte procedurë të posaçme, zonja Shahini nuk do kishte marrë akoma shtetësinë me procedurat e ministrisë së Brendshme, jo më të ishte bërë ministre e Arsimit dhe si ky rast ka dhe raste të tjera ku dhe vetë qeveria ka kërkuar procedurë të posaçme për qytetarë të ndryshëm”, tha Meta. /tesheshi.com/
