Kryetari i LDK-së, njëherit kryeministër, Isa Mustafa edhe me rastin e shënimit të 27 vjetorit të themelimit të partisë, dy vjet pas, ka arsyetuar “martesën e zorit” me PDK-në duke thënë se është bërë për interesa të vendit.nuk ka lënë rastin pa goditur deputetët e tij për kundërshtimin e tyre për çështjen e Demarkacionit me Malin e Zi.
Ai ka deklaruar se në këto dy vjet të drejtimit të qeverisë, LDK ka dëshmuar se është e palëkundur në orientimin euroatlantik.LDK-së, ka folur për zgjedhjet në nivel qendror dhe koalicionin me PDK-në.
“LDK-ja është e gatshme për zgjedhje në çdo kohë. Lidhja Demokratike respekton mandatin legjitim të fituar nga qytetarët, dhe nuk e zhgënjen këtë besim për asnjë interes. LDK-ja ka treguar gjithmonë se nuk e sakrifikon interesin e qytetarëve, për teket politike të dikujt, e as për interesat e LDK-së. Si kryetar i LDK-së them se PDK është rivali kryesor i ynë. Por, ne jemi përcaktuar qe ta nxjerrim Kosovën nga kriza politike dhe për të tejkaluar disa sfida të rëndësishme për Kosovën është dashur të ndodhë koalicioni me PDK-në”, ka pohuar Mustafa.
Ai edhe në këtë përvjetor nuk ka lënë pa goditur edhe deputetët e partisë së tij që kanë mendim ndryshe. Edhe pse nuk ka përmendur me emër, ai target ka pasur Shpejtim Bulliqin që kundërshton fuqishëm Demarkacionin por edhe Vjosa Osmanin që është kundërshtari më i forte brenda partisë.
“Ky mandat do t’i krijojë parakushte LDK-së për t’u forcuar unitetin e brendshëm. Ne kemi zgjedhje lokale e LDK-ja, jo vetëm që do t’i vazhdojë shtrirjen e saj. Kjo është një shans për ta shndërruar këtë synim në detyrën tonë duhet të punojmë shume. Neve nuk duhet të na ligështoj për ata persona që frikësohen nga ne, ata le të mundohen të na pengojnë, por ne do vazhdojmë me përhapjen e lidhjes tonë”, tha Mustafa.
Ai tha se LDK duhet të punojë sa më shumë që në zgjedhjet lokale që mbahen vitin e ardhshëm të fitojnë sa më shumë komuna.
Mustafa, në këtë tubim kujtoi edhe flijuesit për Kosovën të cilët ishin pjesë e LDK-së.
“Do të ju jemi mirënjohës flijuesve të LDK-së që dhanë kontribut për vendin tonë si Fehmi Agani, Nekibe Kelmendi, Latif Berisha etj. Po ashtu edhe Sali Cekaj, Agim Ramadanin, Ahmet Krasniqi e Tahir Zemaj. Gjithë këta emra janë letërnjoftimi më i mirë nacional dhe frymës demokratike të Kosovës”, ka thënë ai. /tesheshi.com/
