Ndërsa opozita e bashkuar ka nisur përgatitjet për mbajtjen e protestës kundër qeverisë Rama më 27 janar, ish drejtues të lartë të Partisë Demokratike janë skeptikë nëse kjo protestë do të përmbushi misionin e saj. Në një intervistë dhënë RTSH, ish- nën kryetari i PD Astrit Patozi, tha se protesta reale janë ato që shpërthejnë nga revolta qytetare dhe jo ato që mbahen për shkak të Partive.
Sipas Patozit “në kushtet kur opozita merr përsipër të nxisë protestat masive, kjo sipërmarrje kërkon lidership të fortë politik, tiparet e të cilit në gjykimin e tij, qartazi mungojnë tek Lulzim Basha.
Ish- numri dy i PD-së, tha se Basha ende vijon të anashkalojë platformën e shumë ish- drejtuesve të PD-së, për ndryshime statutore.
Patozi bën të ditur se do të vijojnë takimet me demokratët në mbarë vendin, me qëllim ringritjen e Partise Demokratike. Ata jane të vendosur për të mos i dhënë “kënaqësinë” askujt, me krijimin një force të re politike.
Patozi tha se “ka rëndësi jetike respektimi i forumeve të Partisë, që janë anashkaluar nga Basha sipas tij edhe në aleacën e krijuar me LSI-në. Këtë marrëdhënie ai e gjykon të panatyrshme, të parakohshme, ndersa këmbëngul për informacionin që duhet tu jepet demokrateve nga kryetari Basha”.
/tesheshi.com/
