Në Wuhan të Kinës, epiqendra e epidemisë së koronavirusit, nuk u raportuan dje për herë të parë infeksione të reja që nga shpërthimi në dhjetor të vitit të kaluar, ndërsa një numër rekord i rasteve të importuara të infeksionit janë regjistruar në të gjithë Kinën, më së shumti në Pekin.
Kina kontinentale kishte 34 raste të reja të konfirmuara të infeksionit të mërkurën, njoftoi të enjten Komisioni Kombëtar i Shëndetësisë.
Të gjitha rastet e reja të infeksionit në territorin e Kinës janë të importuara, gjë që ka rritur presionin ndaj autoriteteve për të kontrolluar gjithnjë e më shumë udhëtarët në qendrat kryesore.
Nga 34 infeksione të importuara, 21 raste u raportuan në Pekin, një rekord i përditshëm për qytetin.
Kështu, numri i përgjithshëm i rasteve të konfirmuara të infeksionit në Kinën kontinentale arriti në 80.928. Në të njëjtën kohë, numri i vdekjeve u rrit me tetë në gjithsej 3,245.
Rritja e numrit të rasteve të reja në Korenë e Jugut
Megjithatë, Koreja e Jugut raportoi 152 infeksione të reja, duke e çuar numrin e përgjithshëm të të infektuarve në 8,565.
Dy anëtarë të Kongresit amerikan të infektuar
Të enjten, agjensitë njoftuan gjithashtu se dy ligjvënës në Kongresin amerikan ishin infektuar me koronavirus dhe se ata të dy ishin në izolim.
Sipas Reuters, më shumë se 219,000 njerëz u infektuan me koronavirus në të gjithë botën të mërkurën, me më shumë se 8,900 të vdekur. /tesheshi.com/
