Në kuadër të 25 vjetorit të hapjes së Parlamentit pluralist, kreu i Kuvendit, Ilir Meta u shpreh se sot Shqipëria është një vend i respektuar në arenën ndërkombëtare.
Ai tha se duhet bërë më shumë për të garantuar demokraci funksionale për qytetarët, ndërsa cilësoi si prioritet reformën në drejtësi.
“Mbetet shumë punë për të bërë për të çuar përpara reformat, dhe për t’u garantuar shqiptarëve një jetesë më të mirë. Jemi përpara miratimit të një reforme madhore dhe reforma në drejtësi do të mbyllet me sukses”, – tha Meta.
Sipas tij, reforma në drejtësi do të përmirësojë klimën e biznesit në vend, ndërsa deklaroi se duhet mbyllur sa më parë. /tesheshi.com/
