Revista “Drita Islame”, organ i përmuajshëm i Komunitetit Musliman Shqiptar, është nderuar me titullin “Naim Frashëri” nga ane e Presidentit Nishani me motivacionin “Për kontributin e saj të shquar në zgjimin e ndërgjegjes fetare e kombëtare, me anë të promovimit të atdhedashurisë, harmonisë, mirëkuptimit, kulturës e vlerave humane të besimit islam në mbarë kombin shqiptar” . Kjo, në kuadrin e 25-vjetorit të themelimit të kësaj reviste, me këtë rast u mbajt dhe një konferencë shkencore.
Prezent në këtë eveniment, kreu i shtetit shqiptar u shpreh: “Në janarin e këtij viti u mbushën 25 vjet nga lindja e kësaj gazete, që përbën një datë simbol për historinë e shtypit të lirë në Shqipëri. Në kujtesën tuaj janari i vitit 1992 ka vlerën e një shekulli hyjnor, pasi gati gjysmë shekulli ndalese, të vërtetat e Zotit po zbrisnin përsëri në këtë vend të bekuar, pasi ishin masakruar për dekada me radhë në emër të një bote të re dhe barbare”. /tesheshi.com/
