Rreth 25 mijë luftëtarë të Ushtrisë së Lirë Siriane (FSA) po bashkohen me forcat ushtarake të Turqisë në Afrin të Sirisë me qëllim të çlirimit të qyteteve dhe fshatrave arabe të kapura nga degët e PKK-së siriane (YPG), tha një komandant i FSA të dielën.
Major Yasser Abdul Rahim, i cili është gjithashtu komandant i Failaq al Sham, një grup opozitar kryesor i FSA, tha për Reuters se luftëtarët e FSA synojnë të dëbojnë terroristët e YPG nga qyteti.
“Ne nuk kemi interes vetëm për të hyrë në qytet për objektivat ushtarake brenda qytetit dhe fshatrave përreth tij. Ne synojmë që të rrethojmë qytetin dhe të dëbojmë milicitë. Ne nuk do të luftojmë në qytet pasi që nuk kemi asnjë problem me civilët”, tha ai.
“Detyra e Ushtrisë së Lirë Siriane është e para që të rifitojë gjashtëmbëdhjetë qytete dhe fshatra arabe të pushtuara nga milicitë e huaja (YPG) me ndihmën e forcës ajrore ruse”, tha Abdul Rahim për Reuters në një intervistë telefonike nga brenda Sirisë.
Elementet arabe në zonë akuzojnë terroristët e YPG-së për zhvendosjen me forcë të arabëve nga fshatrat, në atë që ata thonë,se është një politikë e qëllimshme e spastrimit etnik.
Forcat tokësore turke u futën në krahinën veriore të Sirisë, në Afrin si pjesë e Operacionit ‘Dega e Ullirit’, të dielën pasi Turqia nisi sulmet ajrore dhe të artilerisë kundër bashkëpunëtorëve sirianë të PKK-së (PYD) dhe krahut të armatosur të PKK (YPG) me qëllim të largimit të tyre nga zona e kufirit.
Operacioni gjithashtu ka marrë përsipër që të ofrojë sigurinë në qytetet siriane për të ndihmuar vendasit të kthehen në shtëpitë e tyre, të cilët u kërcënuan nga YPG. /tesheshi.com/
