Jelekverdhët e Francës nuk i kanë ndalur protestat as sot, duke shënuar plot 24 javë që po qëdrojnë në qytetet kryesore të vendit duke kundërshtuar politikat ekonomike të presidentit Emmanuel Macron.
Në Paris, disa mijëra persona morën pjesë në dy protesta paqësore, ndërsa në disa raste policia përdori gaz lotsjellës për të shpërndarë turmën, e cila ishte nisur drejt ndërtesës së Parlamentit Evropian.
Në përgjigje ndaj protestave, presidenti francez, Macron, ka njoftuar për shkurtimin e taksave për punëtorët e klasës së mesme dhe ka thënë se planifikon të mbyllë një kolegj të elitës franceze, ku shkollohen nëpunësit e lartë civilë dhe politikanët. Ai gjithashtu ka premtuar rritjen e pagës minimale në vend, e cila aktualisht është 1480,27€ për një punë me orar të plotë. /tesheshi.com/
