220 persona është bilanci i viktimave të shënuara në një rrugë mes kampit të pelegrinëve të haxhit në Arabinë Saudite. Ngjarja është shënuar ndërsa 2 milionë njerëz kanë nisur pelegrinazhin e përvitshëm në Arabinë Saudite në qytetin e shenjtë të Mekës.
Rrëmuja që solli edhe vdekjen e pelegrinëve u shënua në Mina, në periferi të qytetit të shenjtë.
Numri i pelegrinëve që humbën jetën gjatë një ecjeje të rrëmujshme, zyrtarisht u raportua 150 persona, por më pas shifrat u rritën, ndërsa zyrtarët sauditë njoftuan edhe për 400 të plagosur.
Rruga ku ndodhi ngjarja është një rrugë mes kampeve të pelegrinëve, e rrëmuja nuk ka ndodhur gjatë ritualit të të qëlluarit me gurë që ndodh sot.
Korrespondentët thonë se numri i viktimave mund të rritet. Më herët, një aksident në Mekë, kur një vinc u rrëzua mbi xhaminë me besimtarë, shkaktoi 200 të vrarë. Zona është shndërruar në një vendndërtimi masiv për të lejuar më shumë pelegrinë të vizitojnë Mekën gjatë kohës së haxhit. /tesheshi.com/
