“21 janari” ka marrë një tjetër goditje nga drejtësia shqiptare. Ngjarja tragjike me katër të vrarë pas një proteste të opozitës në vitin 2011, mund të konsiderohet e mbyllur pasi Gjykata e Lartë ka rrëzuar rekursin e Prokurorisë së Përgjithshme.
Kështu, kjo e fundit humbet dhe në shkallën më të fundit të gjygjësorit pasi e çoi këmbëgulësisht çështjen në të gjitha shkallët.
Ky proçes erdhi pas vendimit të Apelit për të dënuar vetëm me një vit burg komandantin e Gardës, Ndrea Prendi, ndërkohë që Prokuroria kërkoi 23 vjet për të e 25 për vartësin e tij, Agim Llupo.
“21 janari”, proçesi për të, konsiderohet dhe si fytyra e vërtetë e drejtësisë shqiptare. Kjo pasi për katër të vrarë, edhe pse gjithçka është provuar qartësisht si akt, vendimet e gjykatës pothuajse kanë qenë qesharake. /tesheshi.com/
