Marie Andrews është 32 vjeçe dhe jeton në Milton Keynes në Mbretërinë e Bashkuar. Ajo është e prekur nga një sëmundje e rrallë, që i bën kockat e saj të jenë shumë të dobëta. Sëmundja e Marie njihet në gjuhën shkencore si osteogenesi imperfetta dhe është me të vërtetë shumë e tmerrshme. Marie është 43 centimetra e gjatë dhe saktësisht është sa gjysma e të birit Mark, 19 muajsh.
“Nuk mundem ta marr në krahë siç bëjnë të gjitha nënat e tjera, por pavarësisht kësaj jam shumë e lumtur. Të kem një fëmijë për mua është një mrekulli”,- rrëfen ajo për Mirror.
Marie vuan nga osteogenesi imperfetta që kur ka lindur. Nëna e saj ka humbur një fëmijë për shkak të këtij problemi. Deri më tani i janë thyer kockat 200 herë e megjithatë, nuk dorëzohet dhe tregon një guxim që është për tu admiruar,
32-vjeçarja kërkon atë që është e mundur për të vijuar një jetë normale. Është diplomuar dhe punon si recepsioniste në një institut, ku edhe ka njohur Dan, dashurinë e jetës së saj, me të cilin është martuar dhe kanë një fëmijë bashkë.
“U dashuruam menjëherë me njëri-tjetrin. Dan nuk e shikonte si pengesë paaftësinë time. Kemi udhëtuar nëpër botë, por më në fund e kuptuam se na mungonte një fëmijë. Kështu, kur një grua u ofrua për të na ndihmuar për të bërë një fëmijë, u entuziazmuam që të dy”,- shpjegon Marie. Para 19 muajsh erdhi në jetë Mark. “Unë nuk mundëm ta marrë në krahë. Një ditë u mundova ti ndërroj veshjet, por me një shqelm të vogël bëri që të më thyen disa kocka. Megjithatë, mundem t’i tregoj përralla, të luaj me të dhe t’i rri afër”,- rrëfen gruaja.
Fjalët e Maries të rrëqethin mishin. “Shesh më ngatërrojnë me motrën e tim biri, edhe pse unë menjëherë u bëj të ditur të tjerëve se jam e ëma. Por nuk ka rëndësi. Është një ndjesi e mrekullueshme teksa e shikoj të rritet”,- thotë Marie. /tesheshi.com/
