Nuk kanë munguar premtimet e krerëve të shtetir për bërjen e ushtrisë së Kosovës në ceremoninë e Epopesë së UÇK-së”, edhe pse nuk është dhënë një afat kohor.
Presidenti Thaçi, ka qenë i matur për dallim nga herat tjera kur ka folur për këtë temë, duke konfirmuar se transformimi i FSK-së në ushtri do bëhet vetëm përmes ndryshime kushtetuese, pra ashtu si duan ndërkombëtarët e jo përmes ndryshimit të ligjeve.
“Ne duam dhe synojmë që Ushtria të bëhet me ndryshime kushtetuese duke bashkuar në një vend politikën, e të gjitha etnitetve. Por nuk do ta lejojmë askënd të vë veto për të drejtën tonë legjitime për Ushtri. Jam i bindur se Ushtria do të jetë derë e përbashkët e gjithë neve, që shpreh karakterin shumë etnik të këtij shteti”, tha Thaçi.
Ai ka thënë se është i bindur se këtë proces do ta kalojnë së bashku me KFOR-in dhe NATO-n. Megjithatë Thaçi nuk ka harruar ta fajësojë skenën politike për transformimin e dështuar të FSK-së.
“Mund të them se transformimin tuaj profesional nuk arriti ta përcillte politika. Hapi final i Kosovës që të bëhet me ushtri do të jetë në partneritet me SHBA-në por edhe paktin e NATO-s”, tha ai.
Kurse kryeminsitri Haradinaj ka premtuar se ushtria do themelohet shpejt por s’ka qenë në gjendje të thotë nëse kjo do të ndodhë gjatë këtij viti.
“Sot kur para nesh parakalojnë ushtarët e Forcës së Kosovës, në fytyrat e tyre shëmbëllejnë fytyrat e ushtarëve të lirisë. Kjo tokë ka njohur ushtarë e ushtri të rrepta, që nga Dardanët e deri tek ushtria e komandantit legjendar, Adem Jashari. Ju që po krijoni një imazh të ri të Kosovës me shumë mund dhe sakrifica, me mbështetjen e aleatëve tanë strategjik, së shpejti do të merrni edhe besimin juridik, si Ushtri e Kosovës dhe si anëtare e NATO-së. Forcja jonë është e aftë të mbrojë lirinë e Kosovë dhe të gjithë qytetarëve të saj, të të gjitha komiteteve. Sot ushtarë dhe oficerë, FKS dhe të gjithë ju prezentë, ne mund të kthehemi të nderojmë të rëniet për liri, rënien heroike të komandantit legjendar, Adem Jashari dhe të betohemi për një liri të përjetshme”, tha Haradinaj.
Kujtojmë se themelimi i ushtrisë ka mbetur peng i Listës Serbe e cila në vazhdimësi konfirmon se në asnjë mënyrë nuk do t’i japë votat për, dhe pa ndodhur kjo transformimi i FSK-së në ushtri nuk mund të bëhet. /tesheshi.com/
