Fondi Shqiptaro-Amerikan u vlerësua si një histori suksesi dhe dëshmi e marrëdhënieve të shkëlqyera mes dy vendeve, nga ana e kryeministrit Rama, i pranishëm në ceremoninë për 20-vjetorin e themelimit të fondit.
Rama tha se me themelimin e fondit nisi një kapitull i ri i investimeve në Shqipëri. 20 vjet më pare, Fondi shqiptaro-amerikan e nisi me një kapital fillestar prej 30 milionë dollarësh dhe gjeneroi një vlerë prej 300 milionë dollarë.
“Ka krijuar mbi 7 mijë vende pune dhe ka kontribuar në prodhimin e brendshëm kombëtar me 2 miliardë dollarë direkt apo indirekt. Investimet e fondit kanë tërhequr investime të huaja direkte për Shqipërinë, 300 mln dollarë”, renditi kryeministri Rama.
Duke kaluar në një temë më të gjerë, ai tha se marërdhëniet që ekzistojnë sot mes Shteteve të Bashkuara të Amerikës dhe Shqipërisë janë më të mirat e mundshme.
“Ndihma në demokratizimin e vendit tonë dhe zgjidhja e çështjes shqiptare të Kosovës i dedikohen më së shumti e më së pari SHBA-së”, tha Rama. /tesheshi.com/
