20 vjet nga tragjedia e Otrantos, ngjarja më e rëndë e ’97-ës, asaj i është kushtuar një ceremoni e veçantë përkujtimore në Vlorë në të cilën ka folur edhe kryeministri Rama.
Atë që ndodhi atë botë, përçse e ka konsideruar si ndër dramat më të mëdha në mesdhe nga politikat e refuzimit, shefi i qeverisë shqiptare e ka lidhur dhe me drejtësinë e munguar, dje dhe sot, për ta renditur tek ngjarjet e pasuara me pandëshkueshmëri.
Rama tha se ajo kjo pandëshkueshmëri ishte dhe pasojë e asaj që i la të pandëshkuar krijuesit e piramidave, shkaku bazë që çoi më pas në tragjedi të tilla. Dhe kështu ai mbërriti dalëngadalë tek Reforma e Drejtësië, duke e konsideruar atë si të domosdoshme për një Shqipëri më të mirë e të integruar.
Duke qëndruar tek drejtësi e munguar, a më saktë e korrptuar, Rama përmendi çështjen e asaj pike karburanti që nuk shpronësohet me vendim të Gjykatës së Lartë, një gjë e çmendur sipas tij. Pasi siç tha Rama, nuk është as shtëpi, as monument kulturë e as statujë.
Më pas, shefi i ekzekutivit shqiptar bëri një paralele mes pikës së karburantit dhe çadrës së opozitës në bulevardin e Tiranës, duke thënë se kjo e dyta i ka zënë rrugën një drejtësie që do çojë pas hekurave gjykatës dhe prokurorë të korruptuar. /tesheshi.com/
