Nga Mensur Krasniqi
Ngaqë kaluan 20 vite dhe tani ai nuk është gjallë, ende mbetet mister se kush shkaktoi atentatin ndaj presidentit të parë maqedonas, Kiro Gligorov. Njëzet vite më parë, me 3 tetor, një shpërthim u organizua për ta vrarë, por pa mundur sot. Gligorov pësoi lëndime të rënda në kokë, shoferi i tij Aleksandar Spirovski vdiq, ndërsa u lëndua edhe truproja e Gligorovit, Ilco Teovski.
Si pasojë nga lëndimet ndërroi jetë edhe kalimtari i rastit, Hristo Hristomanov, ndërsa u lënduan edhe Klime Korobar dhe Jovan Atanasovski.
Ngelet ende e panjohur se kush qëndron pas atentatit. Procedura hetuese e cila po udhëhiqet kundër atentatorit të panjohur ende është e hapur. Hetimi vërtetoi se atentati ka qenë i përgatitur dhe organizuar mirë.
Sulmi u krye me automobil-bombë në orën 9 e 50 min në rrugën “Maqedonia”, para hotelit “Bristol” në Shkup, kur Gligorov me veturën zyrtare lëvizte nga rezidenca e tij e drejt vendit të punës në Parlamentin e Republikës së Maqedonisë.
Para se të shpërthente eksplozivi, veturën zyrtare të kryetarit në rrugën “Maqedonia” e ngadalësoi duke i dalë përpara një veturë e vogël dhe e vjetër ,“Fiqo”.
Në hetim janë kontrolluar 30.850 automjete dhe mbi 15.000 objekte. Përvec kësaj janë marrë në pyetje më shumë se 188 mijë persona, nga të cilët 19 mijë janë kontrolluar.
Ministria e Punëve të Brendshme ka kryer biseda të shumta informative me njerëz që është dyshuar se janë kryerës të mundshëm të atentatit, mirëpo të gjithë kanë qenë të lëshuar pas marrjes në pyetje.
Kiro Gligorov u lind më 3 Maj të vitit 1917 në Shtip dhe ndërroi jetë më 1 janar të vitit 2012, kur i kishte 94 vjeç. Kiro Gligorov si kryetar i parë i shtetit e udhëhoqi këtë vend pa gjakderdhje drejt pavarësisë. Politikani komunist i nivelit të lartë ia doli ta shkëpusë Maqedoninë pa luftë nga ish-Jugosllavia dhe të përmirësojë marrëdhëniet e shtetit të ri me vendet fqinjë, Shqipërinë, Bullgarinë, Greqinë. Kjo ka qenë merita më e madhe politike e tij, duke u veccuar si një nga figurat më të rëndësishme të vendit. /tesheshi.com/
