Blogu ka mbushur 20 vjeç. Me një imazh komplet tjetër ditët e sotme nga dita që kur u krijua, blogjet vazhdojnë të na shoqërojnë në çdo pajisje që të mundëson lundrimin në Internet.
Më 18 korrik 1997, amerikani Dave Winer përpunoi softuerin që i dha jetë “ditarit online”. Kjo datë është zgjedhur si lindja simbolike e blogut, por në të vërtetë i referohet zhvillimit të këtij programi që shënoi një revolucion në internet.
Blogu i parë është publikuar më 23 dhjetor 1997 falë Jorn Bargerit, një tregtar amerikan i pasionuar pas gjuetisë. Ai vendosi të hapë një faqe personale për të shpërndarë rezultatet e kërkimeve të tij në internet, sa i përket hobit të tij.
Në Shtetet e Bashkuara të Amerikës shpejtë blogu merr sukses të madh: nga privilegji ekskluziv i universiteteve dhe qendrave të kërkimit, bëhet mjet i arritshëm për të gjithë përdoruesit.
Ndër vite përdorimi i tij periodikisht ka regjistruar ulje e ngritje, sidomos me ardhjen e rrjeteve sociale: Facebook, Twitter dhe Instagrami janë bërë konkurrentët më të mëdhenj të blogjeve, por asnjë nga këto nuk ia ka dalë t’i zëvendësojë./tesheshi.com/
