Gjykata e Prishtinës ka dënuar me 20 muaj burgim të akuzuarin për kërcënimin e Ramush Haradinajt, i cili përmes shprehjes së simpatisë ndaj organizatës terroriste ISIS, kishte kërcënuar edhe kryeministrin në largim.
Sipas aktakuzës, Bledart Elshani, 23 vjeç, ka përdorur rrjetet sociale për të shpërndarë material propagandues në YouTube dhe Facebook, përmes së cilës është shpërndarë gjuhë e urrejtjes si dhe pamje e papërshtatshme për audiencën.
I pandehuri në seancën e djeshme e ka pranuar para gjykatës se ka bërë shtytje për kryerjen e veprave terroriste dhe ka mbajtur armë pa leje, si dhe ka kërkuar falje për kërcenimin. /tesheshi.com/
