Njëzet imamë të propozuar nga Bashkësia Islame e Kosovës e të vlerësuar nga Agjencia Kosovare e Inteligjencës, do t’u ligjërojnë në burgje të dënuarve për veprën penale të terrorizmit. Kjo, bazuar në marrëveshjen e mirëkuptimit të nënshkruar nga ministri i Drejtësisë, Abelard Tahiri dhe kreu i BIK-ut, Naim Tërnava.
Me këtë rast, Tahiri tha se qëllim i këtyre ligjëratave do të jetë deradikalizimi i personave me tendenca asish.
“Ka pas literatura pa autorë dhe çdo literaturë e pranishme në Qendrat Korrektuese do të jetë e autorizuar nga BIK”, ka deklaruar ministri Tahiri.
I bindur se imamët e përzgjedhur do të ndihmojnë në deradikalizimin e të burgosurve, është shprehur Myftiu Tërnava, i cili tha se radikalizmi dhe ekstremizmi nuk kanë asnjë lidhje me fenë islame.
“BIK do të jap edhe më kontributin e vet në luftimin e çdo gjëje që shkon në dëm të Kosovës, do të jemi të përkushtuar që të luftojmë ekstremizmin.Do të jenë 20 imamë besoj që janë imam që neve na ka marrë mendja që kanë përgatitjen tyre dhe kanë dhenë kontributin. Do të kalojnë një verifikim dhe pas asaj do të na jep drita e gjelbër për fillimin e punës. Feja jonë islame nuk ka asgjë të bëjë me terrorizmin e radikalizmin. BIK ka qenë zëri i arsyes gjithherë ku ka ndrit zërin e saj dhe ka bërë të ditur që islami është larg këtyre dukurive. Nuk ka shumë imam të akuzuar kanë qenë krejtësisht të akuzuar 5 imamë dhe janë liruar të pafajshëm është vetëm një imam që vuan dënimin po i themi imam që nuk ka qenë i angazhuar nga BIK, por ka vepruar nga xhamia e Gjilanit”, tha Tërnava .
Reth 150 persona të kthyer nga zonat e luftës në Siri e Irak, po vuajnë dënimet në burgjet e Kosovës. /tesheshi.com/
