Viti i ri hënor në Kinë, demonstratat në Ramallah, lojërat Olimpike dimërore në Pyeongchang – një javë e fiksuar në imazhet e fotoreporterëve më të mirë të botës. Përmbledhja vjen nga “The Guardian”.
Duma, Siri. Dy të rinj inspektojnë ndërtesën e shkatërruar në qytetin e rrethuar të Dumës.Protestues palestinezë në qytetin e Gazës hedhin gurë në përgjigje të forcave të sigurisë së Izraelit që ndërhynë gjatë një proteste kundër vendimit të Shteteve të Bashkuara për të njohur Jeruzalemin si kryeqytet të Izraelit.Në Pekin, Kinë, pasagjerët qëndrojnë të ulur në një tren të mbingarkuar, ndërsa ai niset nga Pekini për një udhëtim 26-orësh drejt Chengdu për vitin e ri hënor. Kina përjetoi trafikun më të dendur në udhëtime pasi miliona njerëz u drejtuan për në shtëpitë e tyre për të kaluar një javë pushime të përvitshme.Pasagjerët presin për të marrë trenat në stacionin hekurudhor të Shangait, ndërsa nis festivali i pranverës në prag të vitit të ri hënor.Në Pyeongchang, Kore e Jugut, polakja Ewa Kuls-Kusyk stërvitet në prag të paraqitjes në Lojërat Olimpike 2018.Po në Pyeongchang, atletja ruse Kristina Spiridonova, bën nxehjen përpara finales së skiimit stil i lirë për femra.Në Moskë, Rusi, punonjësit e emergjencave kërkojnë rrënojat në vendin e përplasjes së avionit në periferi të kryeqytetit. Avioni u rrëzua pak minuta pasi ishte nisur duke vrarë 71 persona në bord.Në Halep, Siri, një pikë-kontrolli e ngritur nga forcat besnike të presidentit Bashar al-Assad.Në Cameta, Brazil, një anëtar i “Bloco Bambas da Folia” pozon gjatë Karnevaleve të ujit, ndërsa anije të zbukuruara dhe plot ngjyra lundrojnë në lumin Pacajá.San Salvador, El Salvador, një police nga njësitë e reja taktike mban një trëndafil me rastin e ditës së Shën Valentinit.Në Pamplona, Spanjë, pjesëmarrës të rinj të vëllazërisë “Hermandad del Señor” marrin pjesë në procesionin Cristo Alzado me rastin e së mërkurës së Përhirtë.Në Parkland, Florida, studentët reagojnë ndaj incidentit në shkollën Stoneman Douglas. 17 persona rezultuan viktima në një incident tjetër të tmerrshëm nga armët në duart e një adoleshenti.Në Parkland, Florida, lulet kanë mbushur shiritat e ndalim-qarkullimit në shkollë në një memorial për viktimat e incidentit në Marjory Stoneman Douglas. I dyshuari për vrasjet u arratis pasi hodhi automatikun dhe u përzje me turmën e nxënësve, por u arrestua më pas. Ai e kishte marrë armën një vit më parë, në mënyrë të ligjshme në Florida.Në Mohács, Hungari, burra me kostume me brirë dhe maska përgatiten të drejtojnë anijen përgjatë Danubit si pjesë e Karnevaleve tradicionale.Në Hong Kong, performues gjatë një parade në rrugë për të shënuar vitin e ri hënor të qenit.Në Paraty, Brazil, një qen luan në baltë gjatë një feste tradicionale Karnavalesh.Në Macau, Kinë, një punonjëse qëndron përpara një tryeze disa orë përpara hapjes së resortit dhe kazinosë.Në Port-au-Prince, Haiti, një zjarrfikës përpiqet të mbajë nën kontroll flakët që shkatërruan tregun. Zjarri rrënoi tregun historik duke lënë pa mjete jetese tregtarët në kombin e varfëruar.Në Attignat-Oncin, Francë, xhandarmëria bllokon hyrjen në një rrugë në afërsi të pyllit ku vijojnë kërkimet për një vajazë tetëvjeçare pasi një ish-ushtar pranoi se e kishte vrarë atë.Në Nju Jork, një modele paraqitet në pasarelë për shfaqjen e Trajnerëve në qytetin e Basketbollit. Përgatiti: Juli Prifti – /tesheshi.com/
