Zgjedhjet katalanase, protestat në Ramallah apo dëshpërimi i të pastrehëve në Londër për Krishtlindje – koleksioni i 20 fotografive më të mira të javës nga “The Guardian” të shpie aneqark globit. Lajmet më të mëdha të fiksuara në fotografi nga fotoreporterët më të mirë të botës vijnë në një përmbledhje interesante, për të mos përmendur klishenë “një foto, sa një mijë fjalë”.
Protestues në përleshjet që shpërthyern në Ramallah, Bregu Perëndimor kundër vendimit të presidentit Trump për njohjen e Jeruzalemit si kryeqytet i Izraelit.
Po në Ramallah, Bregu Perëndimor, një demosntrues palestinez i veshur si babagjyshi i Krishtlindjeve, hedh gurë në drejtim të trupave izraelite.
Balerinat nga shkolla lokale e baletit përgatiten për shfaqjen e tyre të fundvitit, në Rio de Zhaneiro, Brazil.
Në Malabon, Filipine, një pjesëtar i stafit ushqen krokodilët përpara vizitorëve në kopshtin zoologjik.
Në kopshtin zoologjik në Shenyang, Kinë, një panda kërkon të arrijë ushqimin.
Emigrantët mbërrijnë në një aeroport ushtarak në Romë, Itali.
Në Raka të Sirisë, një pjesëtar i organizatës së minatorëve përdor një detektor për të kqyrur për eksplozivë.
Në Xhirona, Spanjë, një grua ecën me të shpejtë përpara një ndërtese të mbuluar me flamujt katalanas një ditë përpara zgjedhjeve.
Mbledhësit e molusqeve, të njohur si “mariscadores”, japin spektakël edhe kur janë në punë e sipër, Spanjë.
Fotoja vjen nga Indonezia, ku mali Sinabung, u riaktivizua për herë të parë pas 400 vjetësh.
Në Montecito, Kaliforni, zjarrfikësit punojnë për të shuar vatrat më të rrezikshme ndërsa luftojnë për të vendosur nën kontroll zjarret.
Po nga Buenos Ajres, një protestues hedh gurë ndaj policisë gjatë një greve të përgjithshme.
Policia e pajisur me uniformë të plotë përleshet me demonstruesit që marshojnë kundër reformës së propozuar të pensioneve, në Buenos Ajres, Argjentinë.
Fëmijet luajnë me një anije të vjetër ndërsa vijojnë operacionet e kërkim-shpëtimit për një traget të mbytur, në Filipine.
Treni Amtrak, që po udhëtonte për herë të parë në hekurudhën e re të shpejtësisë së lartë, doli nga shinat në shtetin e Uashingtonit.
Në një tjetër fotografi të pastrehësh nga seria e Mary Turner, një njeri fle në stacionin e metrosë në parkun Hyde.
Një i pastrehë fle jashtë bankës “Barclays” në rrugën Fleet në Londër.
Një pelegrine fle në kishën kombëtare Saint Lazarus në Havana, Kubë.
Në Pragë, Republikën Çeke, kërcimtarë të trupës kombëtare të baletit ngrohen pas skene gjatë një performance të “Arrëthyesit”.
Nga Jeruzalemi vjen fotografia e një gruaje palestineze dhe një anëtari të forcave të sigurisë izraelite që fotografojnë njëri-tjetrin.
