Super-hëna e përgjakur blu, protestat në Ramallah, ngjarjet sportive, katastrofa natyrore dhe protesta: ngjarjet më të mëdha të javës vijnë në këtë përmbledhje të “The Guardian” në fokusin e fotoreporterëve më të mirë të botës.
Venezuelë. Një djalë mbledh me shpejtësi misrin e rënë nga një kamion që u placket jashtë portit të Puerto Cabellos. Në portin më të madh të vendit, njerëzit morën thasët me miell ndërsa shoferi i kamionit mbahej nën grykën e armës.Në Najrobi, Kenia, një mbështetës i liderit të opozitës, Raila Odinga kërcen nga një autobus pasi policia qëlloi me gaz lotsjellës për të shpërndarë protestuesit që prishën ceremoninë e betimit të Odingës.Në Lancelin, Australi, njerëzit shohin super-hënën tek ngrihet nga dunat e rërës. Shumë pjesë të globit arritën të kishin pamje të globit gjigand, falë fenomenit të rrallë që kombinon tre efekte qiellore.Në Legazpi, Filipine, supër-hëna blu e përgjakur, e errësuar nga retë, ndriçon vullkanin Mayon ndërsa ai hedh hi dhe llavë.Në Ramallah, Bregu Perëndimor, një i ri palestinez mban një flamur kombëtar gjatë përleshjeve me ushtarët izraelitë pas funeralit të një djali të ri që raportohet të jetë vrarë nga forcat e Izraelit.
Në Ciudad Juárez, Meksikë një oficer policie patrullon një rrugë të pistë si pjesë e operacionit të përbashkët për të gjetur James Martin Camacho Padilla, djalin shtatëvjeçar me autizëm që rezulton i zhdukur në shtetin e Uashingtonit.
Në Rio de Janeiro, Brazil, një grua buzëqesh gjatë paradës së Karnavaleve.Njerëzit pushojnë në plazhin Copacabana në Rio de Janeiro. Një ekip kërkuesish nga Kina së fundmi raportuan se 2 mijë metrat e sipërme të ujërave të oqeanit ishin shumë më të ngrohta në vitin e nxehtë 2017 sesa në vitin e mëparshëm.Në Mesdhe, duken mbetjet e një varke të djegur pas përpjekjeve të shpëtimit nga roja libiane.Po në detin Mesdhe, një pjesëtar i ekipeve të shpëtimit kërkon të kapë dorën e një njeriu poshtë një anijeje ndërsa rreth 800 emigrantë dhe dy trupa të pajetë u nxorrën nga ujërat.
Në Hualien, Tajvan, një snajper fshihet pas bimësisë gjatë një stërvitjeje të përvitshme në bazën ushatarake në veri të vendit.
Në Hull, Angli, mbulohet një vepër arti nga Banksy pasi ishte dëmtuar.
Në Moskë, Rusi, një roje nderi qëndron pranë varrit të ushtarit të Panjohur në murin e Kremlinit.
Në Athinë, Greqi, një kopje e kokës së Aleksandrit të Madh i nënshtrohet procesit të ngjyrosjes në laboratorin e ministrisë së Kulturës. Një grup i vogël artistësh ka të drejtën ekskluzive për të bërë kopje zyrtare, që shiten në muzeumet greke.Në Los Anxhelos, Kaliforni, Javier Kistte pozon jashtë shtëpisë së tij. Ai është i diplomuar tashmë dhe punon për një kompani efektesh vizive, por prindërit e tij janë ende pa dokumente.
Në Tegucigalpa, Honduras, ushtarë dhe policë hedhin gaz lotsjellës ndaj demostruesve që marshuan drejt stadiumit për të protestuar kundër inagurimit të presidentit Juan Orlando Hernández. Përgatiti: Juli Prifti – /tesheshi.com/
