Samiti Korean, vendimi për Bill Cosby-n, përvjetori i katastrofës bërthamore të Çernobilit dhe demonstratat në Gaza janë disa prej ngjarjeve kryesore të mbuluara nga fotoreporterët profesionistë që vijnë në këtë përmbledhje nga “The Guardian”.
Panmunjom. Presidenti koreano-jugor, Moon Jae-in dhe lideri koreano-verior, Kim Jong-un shtrëngojnë duart në fshatin Panmunjom brenda zonës së demilitarizuar që ndan Korenë e Veriut me atë të Jugut. Liderët premtuan pas samitit historic për të sjellë “paqe afatgjatë” në gadishull me angazhimin për denuklearizim dhe për t’i dhënë fund dekadave armiqësie.Panmunjom. Personeli i sigurisë vrapon rreth makinës së liderit të Koresë së Veriut. Pas samitit Korean, liderët dhanë një deklaratë të përbashkët, të shkurtër por që ofron arsye për optimizëm përpara takimit midis Kim dhe Donald Trump.Paju, Koreja e Jugut. Një fëmijë pozon për fotografi duke pasur pas vetes pamjen e fshatit Panmunjom.Afrin, Siri. Një makinë kalon përgjatë ndërtesës së dëmtuar në enklavën siriane të Afrinit që forcat turke e morën nga luftëtarët kurdë në muajt e fundit.Afrin, Siri. Një burrë shëtit pranë statujës së Kaëa, farkëtarit që ishte një figurë qendrore në një legjendë kurse për festimet e vitit të Ri të Novruzit, pasi luftimet e shkatërruan atë.Hermosillo, Meksikë. Emigrantë nga Hondurasi pushojnë në një strehë ndërsa ndodhen në udhëtim drejt kufirit midis Meksikës dhe Shteteve të Bashkuara. Rreth 600 emigrantë, pjesa më e madhe nga Amerika Qendrore të cilën nisën udhëtimin një muaj më parë, duan edhe pak ditë që të arrijnë kufirin.Norristown, Pensilvani, SHBA. Akuzueset e Bill Cosby-t, reagojnë pas shpalljes së tij fajtor për të gjitha akuzat për sulme seksuale në gjykatën e Montgomerit.Erzurum, Turqi. Refugjatët mbërrijnë në Turqi ku qeveria ka deportuar të paktën 7 mijë afgan drejt Kabulit së fundmi. Gati 20 mijë refugjatë që janë larguar nga Afganistani, Pakistani dhe Bangladeshi kanë mbërritur në vend në tre muajt e fundit.Liverpul, Angli. Fansat janë ulur majë furgonit të policisë jashtë stadiumit Anfield përpara gjysmëfinales së Ligës së Kampionëve midis Liverpulit dhe Romës.Rripi i Gazës. Një palestinez nget një karrocë me kuaj gjatë përleshjeve me forcat e sigurisë së Izraelit në afërsi të kufirit lindor të rripit të Gazës në të premten e pestë rresht të demonstratave massive dhe përleshjeve përgjatë kufirit midis Gazës dhe Izraelit.Çernobil, Ukrainë. Një punonjës në qendrën e kontrollit të reaktorit të tretë në uzinën e energjisë bërthamore në Çernobil.Minsk, Bjellorusi. Rojet e nderit vendosin lule në memorialin e viktimave të Çernobilit në Minsk. U bënë 32 vjet që nga aksidenti më i tmerrshëm bërthamor në botë në Çernobil që vrau me mijëra persona dhe detyroi një qasje të re globale për mençurinë e mbështetjes në fuqinë bërthamore.Rripi i Gazës. Gazi lotsjellës lëshohet nga trupat izraelite ndaj demonstruesve palestinezë gjatë përleshjeve për të drejtën e rikthimit në atdheun e tyre në kufirin midis Gazës dhe Izraelit.Maungdaw, Mianmar. Refugjatët Rohingya mblidhen pas një gardhi me tela me gjemba në një strehë të përkohshme në zonën kufitare “të askujt” midis Mianmarit dhe Bangladeshit.Toronto, Kanada. Kalimtarë të tronditur në skenën e incidentit kur një furgon goditi këmbësorët në rrugën Yonge në Toronto. Dhjetë persona humbën jetën dhe 15 të tjerë u plagosën.Brasilia, Brazil. Një Brazilian indigjen fotografohet në kamp gjatë një demonstrimi në mbrojtje të popullsisë lokale indigjene.Londër. Anëtarët e kompanisë së artilerisë qëllojnë 62 herë në shenjë përshëndetjeje nga kulla e Londrës për të mirëpritur lindjen e fëmijës së tretë të dukës dhe dukeshës së Kembrixhit.Londër. Sportistja nga Kenia, Vivian Cheruiyot kalon vijën e finishit në maratonën e Londrës.Portadown, Irlanda e Veriut. Garuesit marrin pjesë në festivalin e çmendur të baltës, ngjarje e përvitshme.Draketown, Xhorxhia. Anëtarë të Lëvizjes Kombëtare Socialiste, një prej grupeve më të mëdha neo-naziste në Shtetet e Bashkuara, shohin djegien e një zvastike pas një marshimit në qytet. Përgatiti: Juli Prifti – /tesheshi.com/
