Ndarja e familjeve në kufirin midis Shteteve të Bashkuara dhe Meksikës, shpërthimi i vullkanit Fuego në Guatemalë, demonstratat në Nikaragua dhe mposhtja e Gjermanisë nga Meksika në Kupën e Botës – këto janë disa nga ngjarjet e fiksuara në përmbledhjen e “The Guardian” nga foto-reporterët më të mirë të botës.
Gaza. Të afërm të Sabri Abu Khadir, palestinezit të vrarë në kufirin midis Gazës dhe Izraelit, në morgun e spitalit.Nizhny Novgorod, Rusi. Një grua shpëtohet nga makina e saj e përmbytur në rrugë.Mawlamyine, Mjanmar. Banorët ecin në qytetin e përmbytur të Mawlamyine. Përmbytjet në jug të vendit mbuluan shtëpitë dhe zhvendosën banorët ndërsa sezoni i musonëve arriti pikun.Glasgow. Zjarrfikësit luftojnë me flakët në shkollën e Arteve për të dytën herë në katër vjet. Në maj 2014, ndërtesa u shkatërrua nga një zjarr gjigant që u pasua nga restaurimi prej shumë milionë dollarësh që duhej të përfundonte në vitin 2019. Shkolla është ndërtuar në fund të viteve 1890 nga Charles Rennie Mackintosh, në atë kohë një rishtar, dhe konsiderohet si kryevepra e tij.Galapagos, Ekuador. Vullkani La Cumbre shpërthen në ishullin Fernandina në arkipelagun Galapagos.Havaj. Imazhi i publikuar nga qendra gjeologjike amerikane nga vullkani Kilauea tregon ndërveprimin midis llavës së nxehtë dhe oqeanit që krijon renë gërryese të ujit të detit të ngarkuar me acid hidro-klorik, pikat e së cilës mund të krijojë irritime në sy, lëkurë dhe mushkëri.Pisoderi, Greqi. Një kundërshtar i marrëveshjes midis Greqisë dhe Maqedonisë për emrin e kësaj të fundit, Maqedonia e Veriut, qëllon me këmbë një mjet gazi lotsjellës të hedhur nga policia. Marrëveshja paraprake u nënshkrua midis ministrave të Jashtëm të të dyjave vendeve në rajonin liqenor të Prespës.Moskë. Portieri i Gjermanisë, Manuel Neuer shpëton rrjetën gjatë ndeshjes së Kupës së Botës me Meksikën në stadiumin Luzhniki. Menaxheri i skuadrës, Joachim Löw pranoi se kampionët aktualë të botës ishin “neglizhentë” dhe “kuturu”, pas mposhtjes 1 me 0 nga Meksika në Moskë.Moskë. Një fans meksikan qëndron sipër shkallës lëvizëse në stacionin e metrosë në Moskë.Ekaterinburg, Rusi. Dy persona qëndrojnë në shi për të ndjekur ndeshjen midis Suedisë dhe Koresë së jugut në një ekran gjigant në zonën e fansave në Ekaterinburg.Panmunjom, Koreja e Veriut. Një ushtar koreano-verior marshon në fshatin e paqes në zonën e demilitarizuar që ndan dy Koretë.Pyongyang, Koreja e Veriut. Studentet marrin pjesë në mësime gatimi në akademinë ushtarake Kang Pan Sok në Pyongyang. Donald Trump tundi karrotën e investimeve përpara liderit Kim Jong-un në samitin e tyre bërthamor, por analistët thonë se shumë pak do të donin të hidhnin para në një prej mjediseeve me rrezikun më të lartë për biznesin në botë.Stamboll. Një burrë shet gështenja në sheshin Taksim përballë një posteri elektoral të presidentit të Turqisë. Vendi përgatitet për zgjedhje të forta parlamentare dhe presidenciale më 24 qershor.McAllen, Teksas. Azil-kërkes nga Amerika Qendrore presin për transport ndërsa janë ndaluar nga agjentët e patrullave kufitare në afërsi të kufirit midis Meksikës dhe Shteteve të Bashkuara. Grupi me gra dhe fëmijë ka udhëtuar përmes Rio Grandes nga Meksika dhe u ndaluan përpara se të dërgoheshin në një qendër procedimi për ndarje të detyrueshme.McAllen, Teksas. Një azil-kërkuese nga Hondurasi, 2-vjeçare, qan ndërsa nënën e saj e ndalojnë dhe e kontrollojnë në afërsi të kufirit Shtetet e Bashkuara-Meksikë. Azil-kërkuesit që përshkuan luginën Rio Grande nga Meksika u ndaluan nga agjentët e patrullave kufitare përpara se të dërgoheshin në një qendër ku mund të përballeshin me ndarje të detyrueshme.Tornillo, Teksas. Fëmijët imigrantë drejtohen nga stafi në radhë midis tendave të mjedisit të ndalimit.Stockton, Kaliforni. I dënuari 70-vjeçar, William Michael Dalby, qëndron i ulur në oborrin e bllokut të qelive ku strehohen kryesisht të burgosurit me Alzheimer dhe demencë. Dalby është një prej rreth 18,400 të dënuarve mbi moshën 55 vjeç në burgjet kaliforniane, sipas departamentit të Korrektimit dhe rehabilitimit. Është një popullsi në rritje që ka detyruar autoritetet të ndërmarrin masat e para për krijimin e njësive të personave me demencë në burgun kryesor të shtetit.Vatikan. Papa Francesku arrin në sheshin e Shën Pjetrit në Vatikan për adresimin e tij të përjavshëm.Managua, Nikaragua. Një grua qëllon me një predhë nga një mortajë e bërë vetë, gjatë demonstratave në Managua. Një grup studentësh universitarë që janë kundër Daniel Ortegës u mblodhën në Managua, duke bërë thirrje për një “Nikaragua të lirë”.Hobart, Australi. Një numër rekord prej 1,537 njerëzish sfiduan motin për të bërë zhytje në lumin e Hobartit, Derwent për notin e përvitshëm të solsticit dimëror. Përgatiti: Juli Prifti – /tesheshi.com/
