Operacioni i shpëtimit nga shpella në Tajlandë, zjarret e fortë në Gjermani dhe Angli, vuajtjet e refugjatëve Rohingya në Bangladesh dhe drama e Kupës së Botës në Rusi – këto janë disa nga temat e fotografive më të mira të përmbledhura nga e përditshmja “The Guardian” me punët e fotoreporterëve më të mirë të botës.
Mae Sai, Tajlandë. Policia qëndron në hyrje të kompleksit të shpellave ku 12 djem dhe trajneri i tyre i futbollit u gjetën të gjallë pas nëntë ditësh të bllokuar nga rritja e ujërave.Mae Sai, Tajlandë. Thanaporn Promthep paraqet një imazh të djalit të saj, Duangpetch, një prej 12 djemve të bllokuar.Khan Younis, Gaza. Të afërm qajnë për Yasser Abu al-Naja, 13-vjeçarin palestinez i cili humbi jetën pasi u qëllua në kokë ndërsa vijojnë protestat në kufi.Saida, Siri. Tymi ngrihet sipër një qyteti në provincën jugore Daraa, një prej bastioneve të fundit të kryengritësve, gjatë sulmeve ajrore të regjimit sirian. Ofensiva, që nisi më 19 qershor, ka detyruar 300 mijë njerëz të lënë shtëpitë.Brehna, Gjermani. Zjarrfikësit luftojnë me flakët në një fermë në Gjermaninë lindore, që po vuan nga thatësira.Java Lindore, Indonezi. Njerëzit përgatiten të kapin dhuratat e hedhura nga tribuja Tengger në kraterin e vullkanit të malit Bromo si pjesë e një festivali tradicional.Bolton, Angli. Zjarri në tokat e veshura me shkurre në Angli vijon të zmadhohet.Salisbury, Angli. Një polic ruan barrierat në rrugën Rollestone, ku vijon hetimi pasi dy persona u ekspozuan ndaj agjentit nervor, noviçok. Më herët, këtë vit, një ish-spiun rus dhe vajza e tij të cilët jetonin në Salisbury, u helmuan po ashtu me këtë substancë.Hoek van Holland, Holandë. Një mjelmë pastrohet në strehën e zogjve pasi një cisternë u përplas me një anije në portin e Roterdamit, duke derdhur rreth 200 tonë naftë në ujë.Tamanrasset, Algjeri. Emigrante afrikane nga Nigeri fshihet së bashku më fëmijën e vet të sapolindur ndërsa përpiqet të shmangë deportimin në një qendër tranziti.Deti Mesdhe. Emigrantët vështrojnë detin nga bordi i një anijeje të organizatës jo-qeveritare spanjolle Proaktiva. Pasi shpëtoi 50 njerëz që po përpiqeshin të kapërcenin Mesdheun duke u nisur nga Libia, anija u ankorua në Barcelonë pasi Italia dhe Malta i refuzuan aksesin.Cox’s Bazar, Bangladesh. Vajza mban duart mbi vëllanë e saj foshnje dhe nënën në kampin e refugjatëve Kutupalong. M. u përdhunua nga gjashtë ushtarë të forcave të sigurisë së Majmarit pasi ata i kishin mbytur për vdekje djalin e saj dyvjeçar.Cox’s Bazar, Bangladesh. Sufaida, refugjate Rohingya e moshës shtatëvjeçare me veshjen tradicionale pozon për një foto në kampin e refugjatëve Kutupalong.Cox’s Bazar, Bangladesh. Një vajzë 13-vjeçare, refugjate Rohingya, duket në një strehë në kampin e refugjatëve, Jamtoli. Ajo u largua nga Majnmari me familjen e saj pasi ushtarët i hynë në shtëpi dhe e përdhunuan.Paris, Francë. Modelja në prapaskenë përpara sfilatës vjeshtë-dimër në Paris.Uashington DC, SHBA. Festimet e ditës së Pavarësisë.Uimbëlldon, Angli. Serbi Novak Djokovic kthen pas ndaj Tennys Sandgren nga Shtetet e Bashkuara në ndeshjen mes tyre, ku serbi fitoi me sete të plota.Lizbon, Portugali. Mbështetësit vështrojnë në një ekran gjigant ndërsa ekipi kombëtar luan me Uruguajin në Kupën e Botës. Portugalia u mund me dy gola nga Edinson Cavani.Moskë, Rusi. Ekipi i Anglisë në Kupën e Botës feston pasi Eric Dier shënoi penalltinë fituese kundër Kolumbisë në stadiumin Spartak.Moskë, Rusi. Kërcimtarët e teatrit Balshoi ndjekin ndeshjen e Kupës së Botës midis Rusisë dhe Spanjës. Përgatiti: Juli Prifti – /tesheshi.com/
