“Bisha nga Lindja”, vala e të ftohtit që pushtoi Europën e zbriti deri në Mesdhe, sulmet ajrore në Gutan Lindore, demonstratat në Gaza dhe Vajza e Parë, Ivanka Trump në lojërat Olimpike Dimërore të Koresë së Jugut janë disa nga zhvillimet e javës që janë fiksuar nga fotoreporterët më të mirë të botës. Përmbledhja e tyre nga “The Guardian” sjell një javë ngjarje përmes imazheve që përçojnë emocion edhe më shumë se fjalët.
Newfoundland, Pensilvani, SHBA. Një grua mban një armë të pambushur në Sanktuarin e Paqes Botërore të Newfoundland. Grupe njerëzish me pushkë AR-15 morën pjesë në të ashtuquajturën “ceremoni përkushtimi” ndërsa lideri i Kishës, reverend Sean Moon, tha në lutje se Zoti u dha njerëzve të drejtën të mbajnë armë. Një shkollë afër ceremonisë, anuloi mësimin.Afrin, Siri. Luftëtar i forcave të Ushtrisë së Lirë Sirianë mbështetur nga Turqia, në Afrin, Siria Veriore.Dublin, Irlandë. Një burrë dhe qeni i tij haski në dëborën e parkut Feniks në Dublin. Rreth 24 mijë shtëpi dhe biznese mbetën pa energji elektrike në Irlandë, ku u mbyllën edhe shkollat e ndërtesat publike, ndërsa u anuluan shërbimet e autobuzëve dhe trenave.Tainan, Tajvan. Në Tajvanin jug-perëndimor, pjesëmarrës në festivalin e Hojeve në qytet, veshin helmeta për të mbrojtur veten. Aktiviteti është quajtur festivali më i rrezikshëm i fishekzjarreve në botë.Biarritz, Francë. Një sportiest sërfi pret dallgët në plazhin Côte des Basques, i njohur si vendlindja e sërfit.Bunia, republika Demokratike e Kongos. Njerëz në kampin e të zhvendosurve të brendshëm në Bunia, në lindje të Kongos. 23 persona humbën jetën në përplasjet midis grupeve etnike në këtë rajon të trazuar.Najrobi, Kenia. Një kërcimtar kalon nëpër kontrollin e sigurisë në aeroportin ndërkombëtar Jomo Kenyatta gjatë turit botëror.Boa Vista, Brazil. Një refugjate venezueliane pret radhën për të biseduar me punonjësit e ndihmave brenda një strehe. Sipas autoriteteve lokale, rreth 1 mijë refugjatë kalojnë kufirin Brazilian çdo ditë nga Venezuela.Khan Yunis, Gaza. Një protestues palestinez mbrohet gjatë përleshjeve me forcat izraelite në afërsi të kufirit midis Izraelit dhe jugut të rripit të Gazës.Guta Lindore, Siri. Tym dhe flakë ngrihen nga Guta Lindore, në periferitë e kryeqytetit Damask, pas sulmeve ajrore të regjimit. Më shumë se 100 persona janë vrarë në enklavë që kur Këshilli i Sigurimit miratoi një armëpushim njëmujor.Al-Shifunieh, Siri. Fëmijët marrin trajtim mjekësor pas një sulmi të dyshuar me armë kimike në fshatin al-Shifunieh në Gutan Lindore. Një zyrtar i lartë amerikan i çarmatimit, ka akuzuar Rusinë se është në anën e gabuar të historisë në lidhje me përdorimin e armëve kimike në Siri, pas raportimeve për sulmin me klorinë në enklavën e rrethuar, dhe publikimit të të dhënave të raportit të OKB-së për furnizimin nga Koreja e Veriut.Balloch, Skoci. Një grua hap rrugën mes borës në Balloch. Ngricat, era e fortë, dëbora dhe i ftohti i hidhur janë shkaktuar viktima dhe paralizë në episodin më të vështirë të motit që ka përjetuar Britania e Madhe për vite me radhë.La Teste-de-Buch, Francë. Njerëzit ecin në dunat e rërës të mbuluara pjesërisht nga dëbora në Pyla. Vala e acarit siberian që përfshiu Europën mbuloi edhe disa plazhe franceze me dëborë.Pyeongchang, Koreja e Jugut. Sportistja gjermane, Marina Wallner dhe ajo zvicerane Denise Feierabend konkurrojnë në gjysmë-finalen e garës së skive në lojërat Olimpike dimërore.Pyeongchang, Koreja e Jugut. Performues në kostume me drita kërcejnë në ceremoninë e mbylljes së lojërave olimpike Dimërore, 2018.Pyeongchang, Koreja e Jugut. Ivanka Trump fotografohet ndërsa ndjek një garë në ditën e 16 të Lojërave Olimpike.Tetsworth, Angli. Trajnerja e kuajve të garave, shihet ndërsa ka mbuluar fytyrën me një palë geta për t’u ngrohur pas kalërimit me galop.Uashington, DC. Drejtorja e komunikimit në Shtëpinë e Bardhë, Hope Hicks largohet nga ndërtesa e Kapitolit pas një takimi me dyer të mbyllura të komitetit të shërbimeve sekrete. Hicks njoftoi dorëheqjen e saj një ditë pasi dëshmoi para komitetit për nëntë orë si pjesë e panelit që heton ndërhyrjen ruse në zgjedhjet presidenciale të vitit 2016.Şanlıurfa, Turkey. 12-vjeçari Sahin Suna, i cili rrit zogj që prej katër vjetësh, me një prej pëllumbave të saj në një treg shpendësh në qytetin jugor të Turqisë.Jerusalem. Pjesëmarrësit në funeralin e rabinit Shmuel Auerbach në Jeruzalem. Auerbach ishte lideri i fraksionit të hebrenjve jo-hasidikë ultra-ortodoksë me origjinë europiane. Ai drejtoi kundërshtinë ndaj përpjekjeve për të detyruar studentët fetarë ulta-ortodoksë të shërbejnë në ushtri. Përgatiti: Juli Prifti- /tesheshi.com/
